10 من أفضل أماكن للخروج في العيد في القاهرة

خطة الخروج والفسح في عيد الفطر من أهم الحاجات اللي لازم كلنا نفكر فيها ونبدأ في الترتيب لها من دلوقتي. لكن ياترى إيه أفضل أماكن للخروج في العيد في القاهرة؟ تعالي دلوقتي نعرف أهم الأماكن اللي بنرشحها ليكي ولعائلتك.

أفضل أماكن الخروج في القاهرة

القاهرة من المدن الكبرى جداً. لذلك هي بتتميز بإنها تحتوي على خيارات مختلفة ومتعددة للفسح والخروج. كذلك فيها أفضل أماكن للخروج في العيد بشكل واسع ومتنوع. علشان كده إنك تقضي يوم في مكان مختلف وجديد دي من أسهل الحاجات اللي ممكن تعمليها. أما أفضل الأماكن اللي بنرشحها ليكي فهي كالتالي:-

 كيدز ستيشن

 كيدز ستيشن من الأماكن اللي أطفالك هيحبوها جداً خاصة لو حابة إنك تسيبيهم في مكان آمن وكله ألعاب مناسبة لأعمار مختلفة من أول شهور ولحد 12 سنة. أما التكلفة فهي تعتبر متوسطة لأن الساعة الأولى بتتكلف حاولي 90 جنيه وكل ما عدد الساعات يزيد كل ما تكلفة الساعة تقل.

فجنون

فجنون من الأماكن اللي مش بس بتضمن لأولادك وقت مسلي وممتع. لكن هما كمان يقدروا يقضوا الوقت ده في اكتشاف مواهبهم وتنمية قدراتهم. لأن المكان بيقدم لهم مجموعة كبيرة من الأنشطة والأعمال اليدوية المعتمدة على الرسم أو تشكيل الفخار. ده غير إن له فروع متعددة تقدري توصلي لها بسهولة.

New Cairo Park القاهرة الجديدة بارك

حديقة القاهرة الجديدة بتتميز إنها تمنح الأطفال وقت ممتع للعب سواء بألعاب الملاهي أو اللعب مع الحيوانات المختلفة الموجودة في الحديقة. ده غير إنها بتحتوي على أنشطة مختلفة ومحببة للأطفال.

Bikes Park – Future City

لو أولادك بيحبوا ركوب العجل فـ Bikes Park – Future City هيكون من أفضل أماكن الخروج للأطفال في العيد. المكان آمن تماماً لركوب الدراجات وعبارة عن مساحة خضراء كبيرة جداً وفيها أنشطة ممتعة جداً للأطفال.

 Bubbly FEC 

من الأماكن المميزة جداً واللي هتكون من أجمل الأماكن للخروج في العيد. لأنه بيحتوي على مجموعة متنوعة ومختلفة من الألعاب اللي بتناسب الأطفال بكل أعمارهم.

فاميلي بارك

فاميلي بارك تعتبر مساحة واسعة جداً للأطفال علشان يحسوا فيها بالحرية والانطلاق. ده غير إنها بتضم أماكن بتضم مجموعة من المطاعم المختلفة. كذلك بتحتوي على النهر السحري وحديقة حيوان ومراكز ثقافية للأطفال.

الريف العربي للخيول

من أجمل الأماكن اللي يقدر الأطفال يمارسوا فيها نشاط مختلف وجديد وهو ركوب الخيول. كذلك يقدر كل أفراد الأسرة يستمتعوا بالمأكولات الريفية والعروض الترفيهية المختلفة.

سكي مصر

من أمتع التجارب اللي ممكن يخوضها الأطفال هي تجربة التزحلق على الجليد. وده موجود في سكي مصر في مول مصر، وهو من اكثر الأماكن الممتعة للأطفال على الإطلاق.

ادرينالين بارك

المكان مناسب للأطفال فوق 10 سنوات وهو عبارة عن مكان مفتوح وأمن وفيه الكثير من ألعاب المغامرات والإثار.

متحف الأوهام

المكان مختلف تماماً عن أماكن الفسح التقليدية. كمان بيتيح للأطفال تجربة مغامرات مختلفة. الفكرة في المكان بتعتمد على تجربة أشياء مختلفة عن طريق الخداع البصري زي النزول لحوض مياه من غير ما نصاب بالبلل أو المشي على الحائط  من خلال حيل وأساليب مختلفة للخداع.

للمزيد: بالصور..أفكار ديكور حوائط وأفضل نصائح للتنسيق.