قائمة أدوات استحمام الرضيع..ايه اللي هتحتاجيه؟
هل بدأتِ في تحضير قائمة أدوات استحمام الرضيع؟ ممكن تكوني فاكرة إن الرضيع مش محتاج لأدوات معينة، خصوصاً إن عدد مرات استحمامه أقل من الكبار. لكن اللي لازم تعرفيه إن تحضير الأدوات الخاصة بالاستحمام مسألة مهمة جداً.
ليه لازم تحضري أدوات استحمام الرضيع؟
أولاً الطفل في المراحل الأولى من ولادته بيحتاج عناية من نوع خاص، العناية دي مش بس تغذيته وعلاجه. لكن العناية بنظافته وصحة بشرته وجلده. وده بيخلينا نركز على تجهيز أفضل منتجات بتتعامل معاه بشكل مباشر.
وده يخلينا نشجعك على تجهيز أدوات الاستحمام المهمة، أولاً هي بتضمن لك حمايته وقت الاستحمام. ثانياً مع الوقت هتعتبر إيد بتساعدك وبتحمي طفلك من الكثير من المشكلات اللي ممكن تحصل في حالة اختيار منتجات غير صحية. طب إيه هي قائمة الأدوات دي؟
قائمة أدوات استحمام الرضيع
قبل أول حمام لرضيعك إتأكدي إنك قمتي بتحضير القائمة دي:-
- حوض استحمام الرضيع.
- وسادة.
- رغوة صابون أطفال لطيف غير معطر.
- مرطب غير معطر.
- شامبو خالٍ من الدموع.
- 4 إلى 6 مناشف قطنية.
- منشفة بغطاء للرأس.
- فرشاة شعر ناعمة.
- مشط.
- كوب شطف.
- 1 لوفة من الاسفنج.
وهنا نيجي لسؤال مهم، هل من الأفضل شراء كل منتج منهم على حدى ولا البحث عن مجموعة كاملة؟ ومن خلال تجارب أمهات مختلفة وجدوا أن شراء المجموعة أفضل كثير خصوصاً لو كانت من الأنواع المعروفة. أولاً هي بتوفر جهد ووقت وبتقلل من المفاجأة اللي ممكن تتعرضي لها. ثانياً الأنواع الصحية بتضمن لك توفير أفضل عوامل أمان ووقاية للطفل خصوصاً الشامبو والصابون والمنتجات اللي بتتعامل مع بشرة الطفل بشكل مباشر.
خطوات الحمام الأول للطفل
الحمام الأول للطفل هو أكثر حاجة ممكن تكون الأم متشوقة لها وفي نفس الوقت خايفة منها. وعشان اللحظة دي تكون ممتعة وآمنة للطفل دي أهم حاجات لازم تعرفيها:-
- أولاً من المهم وجود شخص معاكي في الوقت ده سواء حد من العائلة أو من مقدمين الخدمة الصحية.
- لازم غرفة الاستحمام أو الحمام تكون دافية، وتأكدي من إغلاق النوافذ بشكل جيد.
- حضري كل أدوات استحمام الرضيع بالقرب منك.
- من المهم وانت ماسكة الطفل يكون في دعم لمنطقة الرقبة والظهر.
- استخدمي لوفة الاسفنج لأنها أفضل منتج لبشرة الطفل في المرحلة دي.
- تحضير الكريمات المرطبة للجلد بعد الاستحمام.
- حاولي لف الطفل بفوطة واخلعيها عن الأماكن اللي حتقومي بتنظيفها فقط.
- مرري الاسفنجة على نفس المنطقة مرة واحدة بس.
- ابدأي من خلف الأذنين ، بعد كده الرقبة والمرفقين والركبتين وبين أصابع اليدين والقدمين. وهنا من المهم الانتباه للتجاعيد الموجودة تحت الذراعين وخلف الأذنين وحول الرقبة.
- الشعر هو أخر حاجة يتم غسلها أو تمرير الاسفنجة عليها عشان تقللي فرص الإصابة بالبرد.
- عند تنشيف الجلد نشفي ببطء وبهدوء وما تقوميش بفرك الجلد.
اقرأي أيضا: رعاية الطفل في وقت الاستحمام..دليلك الكامل للخطوات والمنتجات
