منوعات
ازاي تخططي لـ عزومة رمضان
عزومة رمضان من أكثر الطقوس اللي كلنا بنهتم بيها في شهر رمضان. لكن في نفس الوقت ممكن تكون مربكة ومرهقة جداً لو ما خططناش لها صح. النهاردة هنقولك ازاي تخططي ليها صح علشان ضيوفك يتكلموا عنها طول الوقت.
التخطيط لعزومة رمضان
العزومة بتنقسم لأكثر من مهمة. زي تجهيز البيت. كذلك تحضير الأكل، وكما دعوة الأشخاص وإكرامهم وقت العزومة. ودلوقتي نبدأ بأهم خطوة في عزومة رمضان ويه تجهيز البيت.
تجهيز لبيت للعزومة
بالتأكيد انت هتحتاجي تنظفي البيت بسرعة وفي نفس الوقت من غير ما تبذلي مجهود كبير. علشان كده دي أهم الخطوات.
- استخدمي المكنسة الكهربائية لتنظيف السجاجيد والاتربة من على كل الأسطح.
- شيلي المفارش القديمة وبدليها بمفارش جديدة ومناسبة.
- اتخلصي من كل الأطباق أو العلب المتسخة في الثلاجة واغسليها وسيبيها تنشف.
- قبل العزومة بيوم اتأكدي انك نظفتي كل المواعين.
- جمعي كل الحاجات اللي بتسبب الفوضى، وكل الكراكيب اللي مالهاش لازمة وشيليها في أي دولاب.
- اتأكدي إن الحمام مافيهوش غسيل.
- امسحي الأرضيات علشان إزالة الأتربة.
تحضير الأكل
أما تجهيز القبل فهو يعتبر من أكثر الحاجات اللي ممكن تكون مرهقة في العزومة. لكن في نفس الوقت لازم تقدمي وجبات لذيذة وشهية. لذلك في خطوات هتساعدك تقدمي أفضل حاجة وتقللي مجهود.
- قبل العزومة بيوم، اغسلي الخضروات، وجهزيها على التحضير. مثلاً لو هتعمل ورق عنب جهزي الورق واغليها وشيليه جاهز للحشو.
- برضه ممكن تجهزي الحشوات أو الصوص لأن ده هيقلل الوقت معاكي جداً.
- ما تبالغيش في تقديم الأصناف لكن من المهم أنك تنوعي. كذلك اهتمي إن يكون فيه صنف باللحمة وصنف بالفراخ، علشان لو حد من الضيوف مش بيحب صنف فيهم.
- لو انت بتحبي تعمل أصناف جديدة ومختلفة بلاش تعمليها يوم عزومة رمضان. خليكي في الأمان وقدمي الوجبات المعتادة، لأن التجديد وقت الصيام مش أفضل حاجة ممكن تعمليها مع الضيوف.
- تأكدي إن فيه نوع واحد من الشوربة، لأن فيه ناس كثيرة بتحب تبدأ أكل بيها.
- اهتمي بوجود أكثر من نوع من السلطات زي السلطة الخضراء، سلطة البطاطس، سلطة الزبادي أو سلطة الطحينة.
- جهزي الأكل قبل وصول الضيوف لفترة كافية علشان يكون عندك وقت ترحبي بضيوفك.
- من المهم أنك تحطي طرابيزة جانبية يكون عليها أكثر من صنف من العصير والحلويات.
