تجنب العطش وجفاف الجسم أثناء الصيام في الحر

الصيام وقت الحر من أصعب المواقف اللي ممكن تمر علينا كلنا، لأن جسمنا بيفتقد للترطيب، وبالتالي بنشعر بالتعب والإرهاق بصورة كبيرة. لكن في نفس الوقت في طرق بتساعدنا على تجنب العطش وجفاف الجسم وبتساعدنا على الاحتفاظ بالرطوبة لأطول فترة ممكنة.

أسباب الشعور بالإجهاد أثناء الصيام

نسبة كبيرة من جسم الإنسان بتتكون من الماء، النسبة دي بتقدر علمياً بحوالي 70%. ودور الماء إنه يقوم بنقل الأكسجين وباقي العناصر الغذائية لأعضاء الجسم المختلفة، وطول ما الجسم بيحصل على كفايته من الماء فمعظم الوظائف الحيوية بتعمل بشكل جيد. لذلك بنشعر بالراحة والنشاط وعدم الإرهاق.

لكن خلال فترة الصوم، بنفقد نسبة الماء اللي موجودة في الجسم من خلال الوظائف الجسدية زي الحركة، ومن خلال التبول، والعرق. لذلك لما النسبة دي بتقل بيحصل جفاف وبنشعر بالتعب. 

ومن هنا بتيجي أهمية الاهتمام بكل العوامل اللي تساعد الجسم على تجنب العطش، أو التعرض للجفاف. وده بيتم من خلال الطرق الجاية.

كيفية تجنب العطش وجفاف الجسم

السنة دي في رمضان 2022 يبدو إن الصيام هيكون في أكثر الأوقات اللي فيها ارتفاع درجة الحرارة، وكمان الأتربة. لذلك الشعور بالتعب والإرهاق هيكونوا من أكثر الحاجات اللي ممكن نمر بيها لو جسمنا ما حصلش على الترطيب السليم. لكن إيه هي خطوات تجنب العطش وجفاف الجسم؟ دلوقتي هنعرفهم سوا.

شرب الماء

شرب الماء هو أهم خطوة تساعد على تجنب العطش وجفاف الجسم. والخبراء بينصحوا بتناول كمية تتراوح من كوب إلى كوبين كل ساعة في الفترة بين الفطار والسحور، لأن الكمية دي تقدر تحافظ على ترطيب الجسم طول اليوم.

ومن الطرق الجيدة للتذكير بشرب الماء، هي إننا نظبط منبه الموبايل كل ساعة عشان ينبهنا بضرورة الحصول على المية. أو إن مع كل فاصل إعلاني في التلفزيون نشرب كمية تانية.

على جانب آخر فالخبراء بيأكدوا على الأشخاص اللي بيتناولوا معدل كبير من الكفايين أو المشروبات السكرية إنهم يحصلوا على معدل أعلى من الماء.

اختيار الملابس المناسبة 

اختيار الملابس بيلعب دور كبير في الحفاظ على رطوبة الجسم وقت الصيام. لذلك هيكون اختيار الملابس القطنية في الحر من أفضل الخطوات للحفاظ على درجة حرارة الجسم ومساعدته على الاحتفاظ بالماء داخله. 

كذلك من المهم اختيار ملابس داكنة للخروج، ويفضل إنها تكون داكنة مش سوداء، لأنها بتقلل دخول الشمس للجسم، وبالتالي تقليل فقده للماء. أما ملابس البيت فيفضل إنها تكون فاتحة وقطنية.

تناول الطعام المثالي

من أكثر الخطوات المضرة صحياً هي تناول طعام غير صحي على الفطار أو السحور. لأن الوجبات غير الصحية بتصعب عملية الهضب، وبتقلل ترطيب الجسم، وبالتالي يزيد الشعور الجفاف. لذلك من المهم إننا نتناول الوجبات اللي بتحتوي على الألياف وأهمها الخضروات والفواكه.

كذلك من المهم تقليل كميات الوجبات اللي بتحتوي على سكريات وسعرات حرارية عالية. ومن المهم استبدالها بالفواكه زي الخيار أو البطيخ أو الموز.

تجنب الأنشطة القاسية

خلال فترة الصيام من المهم إننا نتجنب إننا نقوم بأنشطة قاسية تسحب كمية الماء اللي في الجسم، زي التمارين الطويلة واللي بتستهلك طاقة كبيرة، أو زي الأنشطة البدنية المتعبة زي تكرار صعود السلالم. 

بالإضافة إلى التمرين في بداية ساعات النهار، ده ممكن يفقدنا كمية كبيرة من السوائل. لذلك يفضل استبداله بتمرين قبل الإفطار بساعة أو بعد الإفطار بـ 3ساعات.

الاستحمام بماء بارد

الاستحمام بالماء البارد خطوة مهمة جداً لتقليل أعراض الجفاف. خصوصاً لأن بعد فترة من الصيام ممكن تظهر أعراض الجفاف على الجسم في صور مختلفة، منها مثلاً زيادة معدل التنفس، تشقق الشفاه، الشعور بالضعف والإجهاد، احمرار الجلد، أو الشعور بالدوار. ومع ظهور الأعراض دي بيكون من الأفضل وضع الرأس تحت الماء البارد لمدة تتراوح من 5 دقائق لـ10 دقائق.

لكن لو في صعوبة في الحصول دش بارد، ممكن نقوم بوضع منشفة رقيقة تحت الماء بعد كده نحطها على راسنا أو وشنا وبكده حنشعر بانخفاض درجة حرارة الجسم وتقل أعراض الجفاف بشكل كبير. والحصول على قيلولة بعد الحمام ممكن يساعد بقدر كبير على التخلص من العطش والجفاف.

للمزيد: 3 حالات يحذر فيها صيام الحامل تماماً.