أفكار أوض نوم اطفال للمساحات الصغيرة
اختيار أوض نوم اطفال لو شقتك بمساحة صغيرة من الأمور المحيرة. لأن كل أم هتكون محتاجة تختار غرفة مناسبة علشان تقدر تحتوي كل أدوات الأطفال. لكن في نفس الوقت لو كانت المساحة المتوفرة صغيرة فإكيد هتكون الخيارات محدودة. لذلك هنقدم لك النهاردة أفكار لغرف أطفال مناسبة للمساحات الصغيرة.
أوض نوم مناسبة للمساحات الصغيرة
بالتأكيد اختيارك لغرف النوم هيكون معتمد على إمكانية الأوضة على ضم كل مستلزمات الطفل. وكل ما كان عمر الطفل أكبر فبالتأكيد بيكون له مستلزمات كثيرة، وده بيخليكي محتاجة تشتري غرفة فيها كل المميزات. وأهم المميزات اللي بتدوري عليها هي إن الغرفة تكون فيها أماكن متعددة لتخزين الأدوات وفي نفس الوقت تكون مصممة بطريقة ذكية بحيث تترك مساحة للعب الأطفال. لذلك تقدري تعتمدي على الأفكار الجاية علشان تختاري أوض نوم أطفال مناسبة ليكي.
اقرأي أيضا: بالصور..أفكار ديكور حوائط وأفضل نصائح للتنسيق
استخدام الكوشن لركن القراءة
ممكن توفري مساحة واسعة للعب داخل الغرفة من خلال استخدام الكوشن المختلفة في ركن من الأركان. الركن ده يقدر الأطفال يعتمدوا عليه في القراءة أو وضع سبورة على الحائط او تعليق الرسومات الخاصة بيهم.
استخدام الحلول الذكية للتخزين
لو كانت الغرفة لها مساحة صغيرة جدا فممكن تستغني عن الدواليب الكبيرة أو الكومودينو أو وحدات التخزين الفردية. لكن ساعتها هيكون البديل الأفضل هو استخدام الحائط كوحدات تخزين سواء عن طريق الأرفف المتعددة أو وجود وحدات معلقة.
استخدام الأسرة الرأسية
من أفضل طرق توفير المساحات في غرف الأطفال استخدام الأسرة الرأسية زي ما الشكل موضح. الأنواع دي من الأسرة بتتميز بأنك تقدري تستخدميها كسرير وكوحدات تخزين وفي نفس الوقت بتوفر مساحة كبيرة جدا.
استخدام الأثاث الرفيع
من أهم افكار توفير المساحات في أوض نوم الأطفال انك تهتمي باختيار قطع الأثاث الرفيعة. حاولي بقدر الإمكان تبعدي عن قطع الأثاث العريضة لأنها بتحتاج مساحة واسعة. لكن اختيار أثاث له عرض قليل مع ارتفاع أكبر هيكون مفيد للغاية.
السرير المحتوي على وحدة تخزين
دايما حاولي الحصول على سرير بيحتوي على وحدات تخزين سفلية. لأنه بيكون مكان مثالي لاحتواء الكثير من مستلزمات الأطفال. ويقدر يخليكي تستغني عن وحدات اثاث كبيرة ممكن تقلل من مساحة الغرفة.
استغلال المساحات الرأسية
بنفس طريقة استخدام الحوائط لتوفير مساحات كبيرة للتخزين. تقدري توفري ركن مناسب للمذاكرة من خلال استخدام المكاتب المرتفعة اللي بيتم تركيبها على الحائط. الفكرة دي مناسبة جدا للمساحات الضيقة. كذلك هي عملية بدرجة كبيرة.
استبدال العلاقة بدل من الدولاب
الدولاب ممكن ياخد مساحة كبيرة من غرف النوم. لكن تقدري تلاقي حل ذكي جدا لملابس الأطفال من خلال استخدام علاقة ممتدة بين حائطين. تقدري تعلقي عليها كل الملابس الخاصة بالأطفال. وتستخدمي الحوائط كرفوف تخزين للملابس الأخرى.
وضع مكتب تحت السرير المرتفع
استخدام الأسرة المرتفعة مش شرط يكون مرتبط بوضع أكتر من سرير. لكن ممكن تستخدمي سرير مرتفع بدرجة تسمح بتوفير مساحة لوضع مكتب في الأسفل زي ما الصورة موضحة. ودي بتكون من أكثر الطرق الذكية اللي تقدري توفري بها مساحة كبيرة في الأوضة.
