ديكور البيت..5 إرشادات تخلي بيتك جنة
قبل ما تختاري ديكور البيت في حاجات مهمة لازم تفكري فيها. وده لأن الديكور من أكثر الحاجات اللي بتأثر على شكل البيت والجو العام الخاص بيه. وفي نفس الوقت انت وكل أفراد الأسرة بتتأثروا بالديكورات سواء بالألوانها أو أشكالها أو حتى حجم الأساس. لذلك في تفاصيل صغيرة جداً ممكن تكون مؤثرة جداً سواء بالسلب أو بالإيجاب.
للمزيد: كيفية تجهيز بوفيه في البيت مثل المنسقين المحترفين
كيفية تجهيز أفضل ديكور للبيت؟
سواء هتعتمدي على نفسك في تجهيز ديكور البيت، أو هتعتمدي على مهندس ديكور، فلازم تعرفي إن الاختيارات الخاصة بمنزلك أمر مهم جداً. لأن كل حاجة هتتعمل في البيت هتفضل فترة طويلة، أكيد في تجديدات هتفضلي إنك تقومي بيها كل فترة. لكن في نفس الوقت في حاجات هيكون من الصعب تجديدها على فترات قصيرة. عشان كده قبل ما تبدأي تجهيز البيت فكري في الحاجات الجاية.
ذوقك الشخصي
قبل كل حاجة لازم تعرفي إن ديكور البيت لازم يكون بيعبر عنك. ولو كان في موضة معينة منتشرة فده مش معناه إنك لازم تتبعيها وتنفذيها بالظبط. علشان كده مهما كان رأي مهندس الديكور أو مهما كان نوع الموضة الموجودة لازم تفكري في الألوان والأشكال وأحجام الأثاث اللي انت عايزاها. كذلك استبعدي الأشكال اللي مش بتريحك عشان يكون اختيارك سليم.
جمعي اكبر عدد من الصور
ممكن تعتمدي على خيالك وذوقك علشان توصلي بيتك للشكل اللي انت عايزاه. لكن في نفس الوقت حاولي انك تطلعي على أكبر عدد من الصور للديكورات المنزلية المختلفة. بعد ذلك ابدأي في التنسيق بين الألوان والأشكال المختلفة وسوف يكون لديك صورة مقربة من منزلك القادم.
الألوان الفاتحة لدهانات الحوائط
دهانات الحوائط لها تأثير كبير على شكل البيت العام. ومن المؤكد إن في ألوان كثيرة ممكن تختاري بينها. لكن خبراء الديكور بينصحوا دايماً باختيار الألوان المحايدة زي درجات البيج ودرجات الرمادي. وده لأن الألوان دي بتدي فرص كبيرة جداً انك تختاري أثاث بأنواع مختلفة والوان متنوعة، وبالتالي ده هيدي مساحة مهم لحرية الاختيار. وده على عكس الألوان الصريحة أو الداكنة، هتكون بتلزمك باختيار ألوان معينة من الديكورات.
تجربة اللون قبل الشراء
بدل ما تشتري كمية كبيرة من دهان الحوائط ابدأي بكمية بسيطة كعينة للتجربة. وده لأن بشكل عام الإضاءة لها تأثير كبير على الألوان. وبالتالي يفضل إنك تدهني جزء كبير من الجدار بعينة من اللون اللي انت عايزاه وتشوفي تأثير الإضاءة عليه هيكون إيه.
استخدمي المرايات
المرايات جزء من موضة الديكور اللي عمرها ما بتنتهي. لذلك حددي مكان لمراية واحدة أو أكثر في كل غرفة. أما إذا كانت مساحة البيت صغيرة فاختيارك للديكورات المعتمدة على المرايات هيكون اختيار صح جداً.
اقرأي أيضا: تنسيق غرف نوم وكيف نجعل المساحات الصغيرة تبدو أوسع
ديكورات الحمام
بالتأكيد في ديكورات مختلفة للحمام. لكن أكثر الأشكال الأنيقة والمناسبة لأي مساحة حمام هي الأرضيات المتنوعة بين البلاط الأبيض والأسود والجدران الرمادية الفاتحة. وفي منتصف الحائط لوحة من السيراميك المرسوم هتخلي شكل الحمام في منتهى الروعة.
استخدام ورق الحائط
ورق الحائط ممكن يكون له استخدامات كثيرة. لكن في نفس الوقت ممكن تغطي بيه الأجهزة خاصة في المطبخ. ده هيساعدك على تحقيق شكل جمالي راقي جداً. كذلك هيساعد على الحفاظ على الأجهزة ونظافتها. لذلك استخدمي ورق الحائط القابل للنزع والتنظيف.
اعتمدي على الإضاءة الطبيعية
وده يخليكي تميلي للستائر اللي من النوعيات الشفافة، لأنها بتساعد على دخول أكبر قدر من الإضاءة الطبيعية. والإضاءة الطبيعة هي أفضل عنصر تقدري تعتمدي عليه لإبراز ديكور البيت بصورة أفضل. وكمان تقدري تختاري الستائر اللي لها ألوان فاتحة وغير قابلة للبهتان، ودي من أجمل أنواع الديكورات المودرن اللي بتضفي لمحة جمالية على البيت.
استخدام البراويز الكبيرة
ممكن تستخدمي براويز صغيرة الحجم، لكن اهتمي بإنها تكون في مكان بارز في منتصف الحائط وعلى اترفاع متوسط. وممكن تستخدمي أكثر من براز بارتفاعين مختلفين. لكن من ناحية تانية استخدام برواز واحد يغطي أكبر مساحة من الحيطة بيكون له رونق مختلف تماماً خاصة في غرفة المعيشة، أو في الغرف اللي مساحتها كبيرة.
وضع السجاد بشكل صحيح
عشان تختاري مقاس السجادة الصح قومي في البداية بمقاس حجم الغرفة ومساحة الأثاث فيها. لازم تهتمي بإن السجادة تغطي مساحة الجلوس، بمعنى إن أرجل الكنب تكون فوق السجادة وليست بعيدة عنه.
