8 منتجات البوتي تريننج مافيش أم هتستغنى عنها

في مرحلة البوتي تريننج فيه مجموعة من المنتجات تقدر تسهل على الأم المهمة بدرجة كبيرة. لأنها هتوفر عليكي مجهود ووقت كبير. لذلك النهاردة قررنا نساعدم تعرف إيه هي أهم منتجات البوتي تريننج لطفلك.

منتجات البوتي تريننج المهمة

مرحلة تعليم الطفل الاستغناء عن الحفاضة من أهم المراحل وأصعبها. لأنك بتبدأي تعلمي الطفل يستخدم المرحاض أو النونية، وفي أطفال بتواجه صعوبات كتيرة لحد ما تستوعب الفكرة وتبدأ تتجاوب معاها. لكن في نفس الوقت في منتجات تقدر تكون عامل مشجع ليهم. كذلك تقدر تكون عنصر يساعدك على تقليل مجهودك في الفترة دي علشان ما تحسيش بتعب كتير. لذلك دي أفضل منتجات البوتي تريننج اللي انت هتحتاجي عناصر كتيرة منها:-

اقرأي أيضا: حيل ذكية تخلي تمرين البوتي ينجج في أقل وقت ممكن

كرسي البوتي

أول منتج مهم هو كرسي البوتي أو النونية. لأنه بيعتبر الشكل المصغر للمرحاض اللي يقدر الطفل يستخدمه في الوقت ده. كذلك هتلاقي نونية بأنواع وأشكال مختلفة، لكن أهم  3 عوامل لاختيارها هي إنها تسمح للطفل بإن قدمه تلمس الأرض وتكون مسطحة. كذلك سهولة غسلها وتخزينها.

كرسي المرحاض

كرسي المرحاض من المنتجات اللي هتسهل عليكي عملية التنظيف. لأن بيتم تركيبه في المرحاض. كذلك هتلاقي مجموعة من أنواعه مزودة بسلالم تساعد الطفل على الوصول لمقعد المرحاض وكمان بتساعده انه يسند رجله عليه. الكرسي ده يفضل لو كان عندك مساحة ضيقة فهو هيكون حل عملي جداً.

سراويل التدريب

سراويل التدريب هي مجموعة من الملابس الداخلية المهمة للفترة دي. لأنها بتكون مزودة بأقمشة تمنع التسرب في حالة لو الطفل كان لسة ما عندهوش القدرة على التحكم الكامل. كمان هي بتساعد على إنه يشعر بالبلل وبالتالي بتزيد في عملية تدريبه على التحكم مع الوقت.

ملابس داخلية سهلة

في الوقت ده من المهم الاستغناء عن الملابس الداخلية القديمة التي تحتوي على إزرار أو كباسين والأستك المطاطي. لكن من الأفضل استبدالها بالملابس الداخلية العادية لأن بمجرد شعور الطفل بالحاجة للحمام فهيكون في حاجة لخلع الملابس بسرعة.

غطاء واقي للفراش

في الوقت اللي هتبدأي فيه تدريب طفلك على الاستغناء عن الحفاضة في وقت النوم من المهم إنك تحصلي على غطاء واقي للفراش. لأن في الفترة دي مش هتقدري إنك تسيطري على الموقف كامل. لذلك تنظيف الغطاء الواقي هيكون أسهل بكتير من تنظيف المرتبة بالكامل.

موسع للصنبور

من الصعب على الطفل خلال مراحل التدريب إنه يقدر يوصل لمصدر المياه في المرحاض العادي. لذلك ممكن تحصلي على موسع صنبور بيتم ربطه في حنفية الحوض وبيوصل لقاعدة البوتي وفيه منه أشكال على هيئة حيوانات وأشكال فكاهية تشجع الطفل على استخدامه.

منتجات البوتي تريننج للأولاد

بالنسبة لتدريب الأولاد على استخدام البوتي فممكن تحتاجي لمجموعة تانية من الأدوات المفيدة ومنها:-

زجاجة بوتي متنقلة

لو عايزة تعودي الطفل على منع التبول في الحفاضة خارج المنزل فممكن تحصلي على زجاجة البوتي المتنقلة. وهتلاقي منها أنواع مختلفة بيتم استخدامها بأكثر من طريقة.

واقي الرذاذ

وده جزء بيتم تثبيته في مقعد البوتي بيساعد على منع الرذاذ من الانتشار. وهو كمان مفيد للأطفال الأكبر سناً، والأطفال ذوي الاحتياجات الخاصة لمساعدتهم على استخدام المرحاض بشكل أكثر خصوصية.

للمزيد: مغامرة البوتي تريننج مع الطفل العنيد..كيف تتصرفين في هذا الوقت الصعب؟.