6 وصفات منزلية لتلميع البشرة بسرعة زي النجمات

من أكتر الأسئلة اللي بنسألها لنفسنا كستات وبنات إزاي بشرة الفنانات والناس المشاهير بتكون بتلمع ومافيهاش عيب. بالتأكيد في حاجات كتيرة بتداري عيوب البشرة. لكن على جانب آخر في مشاهير كتير قدروا يحافظوا على جمال بشرتهم من خلال الوسائل الطبيعية والعناية الصحية. علشان كده النهاردة هنقولك على أهم وصفات منزلية لتلميع البشرة، وازاي تحافظي عليها لامعة ونضرة معظم الوقت.

اقرأي أيضا: 3 من أفضل ماسكات زبدة الشيا للوجه

اسرار البشرة اللامعة والنضرة

في عوامل مهمة جداً بتدعم استخدام الوصفات المنزلية المخصصة لتلميع البشرة. العوامل دي بتتحكم بدرجة كبيرة في رطوبة الجلد وصحته وبالتالي يقدر يستقبل كل طرق العناية وتبان نتيجتها بسرعة. علشان كده قبل استخدام أي وصفة هنقولك على أسرار مهمة جداً لازم تلتزمي بيها علشان بشرتك تكون صحية:-

اتباع روتين التنظيف والترطيب

روتين التنظيف والترطيب مش بيستغرق أكتر من خمس دقائق في اليوم الواحد. لكن في نفس الوقت بيلعب دور كبير جداً في إن بشرتك تظهر بشكل صحي. علشان كده كل يوم باليل اغسلي بشرتك بالمياه كويس وتأكدي من إزالة كل آثار المكياج وممكن تستخدمي غسول مناسب. كذلك استخدمي مرطب يكون مناسب لنوع بشرتك.

تقشير البشرة بشكل دوري

تقشير البشرة من العوامل اللي بتحافظ عليها وبيقلل من تراكم خلايا الجلد الميت وبيؤدي لعدم انسداد المسام. لذلك اهتمي بتقشير البشرة مرة أو مرتين في الأسبوع. لكن في حالة إذا كانت بشرتك حساسة فمن الأفضل تقشير البشرة مرة واحدة في الأسبوع. ولاحظي إن تقشير البشرة بشكل مفرط ممكن يؤدي لحدوث الالتهابات والاحمرار.

اقرأي أيضأ: تقشير الجلد الميت بـ 5 وصفات طبيعية سريعة

تدليك البشرة

أفضل حاجة ممكن تمنحيها لبشرتك هي تدليكها يومياً، وده مش هيتستغرق منك وقت طويل. لكن بيمنحها فوائد مختلفة زي زيادة تماسك عضلات الوجه، وبيساعدها على امتصاص المواد الطبيعية بشكل أفضل كذلك بياعد على لمعانها وتوهجها.

التغذية الصحية النوم الجيد

التغذية الصحية هي أساس البشرة السليمة والنضرة. لذلك لو كان نظامك الغذائي خالي من الخضروات والفوامه فبالتأكيد بشرتك هتتأثر بشكل سلبي جداً. لكن لو نظامك الغذائي صحي فالعكس هو اللي هيحصل. لذلك قللي من تناول الأطعمة السريعة والمصنعة وركزي أكثر على الخضروات والفواكه وشرب المياه بكمية كافية. بالإضافة للتغذية السليمة لازم تحصلي على وقت كافي من النوم بالليل وتقللي من السهر لأنه من أكثر المؤثرات السلبية على البشرة.

وصفات منزلية لتلميع البشرة بسرعة

وبعد ما تبدأي الحفاظ على الروتين الصحي للبشرة اللي اتكلمنا عليه في النقاط السابقة. يجي ميعاد استخدام وصفات منزلية لتلميع البشرة. ومعظم الوصفات بتعتمد على وسائل طبيعية وبيكون لها نتائج فعالة تماما. وتقدري تختاري أكثر وصفة مناسبة ليكي من الوصفات الجاية.

وصفات منزلية لتلميع البشرة بالصبار

وصفة الصبار من أفضل الوصفات اللي بتساعد على تلميع البشرة وظهورها بمظهر نضر وصحي جداً. أما طريقة استخدامها فهي كالتالي:-

• خلط ملعقة كبيرة من جل الصبار على رشة من الكركم.
• ضيفي ملعقة من الحليب ومن العسل.
• ضعي الماسك على وجهك لمدة 20 دقيقة.
• اغسلي الوجه بالماء الفاتر واتركيه يجف.

الصبار بيساعد على علاج الالتهابات وكمان حروق الشمس، ده غير إن استخدامه كروتين يومي بيساعد على تحسين ملمس البشرة وتنعيمها.

وصفة الحليب لتلميع البشرة

يعتبر الحليب من أكتر الوصفات الطبيعية اللي بتستخدم من قديم الأزل. أما طريقة عمل الوصفة فهي كالتالي:-

• اخلطي ملعقة صغيرة من الدقيق مع 1 ملعقة من العسل الأبيض.
• زودي 2 ملعقة من الحليب الخام على الخليط السابق.
• وزعي الخليط على وجهك بالتساوي وسيبيه لحد ما ينشف.
• اشطفي وجهك بالماء الفاتر واتركيه حتى يجف.

وصفة الكركم لتلميع البشرة

يعتبر الكركم من أفضل المواد الطبيعية المهمة للبشرة، لأنه بيزيد من إنتاج الكولاجين. كذلك بيحتوي على خصائص مضادة للالتهاب وبيحمي البشرة من البكتيريا. والكركم من اهم وصفات منزلية سريعة لتلميع البشرة واللي ممكن تعمليها بسهولة جداً.

• اخلطي 4 ملاعق كبيرة من دقيق الحمص مع نصف ملعقة صغيرة من مسحوق الكركم.
• ضعي كمية من العجين الخام أو الماء لحد ما يتكون عجينة متجانسة.
• طبقي الخليط على بشرتك لمدة ربع ساعة بعد كده اشطفيه بالماء البارد.

وصفة جوز الهند البكر

جوز الهند البكر مفيد للبشرة وبيساعد على ترطيبها. ولازم تتأكدي من أن جوز الهند بكر وما اتعرضش لأي عمليات تكرير لأن ده بيقلل من فوائده. أما طريقة الوصفة فهي كالتالي:-

• ضعي قطرات من زيت جوز الهند البكر على الوجه.
• دلكي بشرتك في حركات دائرية رقيقة.
• اتركي الزيت على وجهك طوال الليل واغسليه في الصباح بالماء الفاتر.

من الممكن إضافة قليل من السكر البني على زيت الجوز الهند واستخدامه كمقشر طبيعي للبشرة.

وصفة الشاي الأخضر

بترجع أهمية الشاي الأخضر لأنه بيساعد على تقليل ظهور علامات الشيخوخة، بالإضافة إلى إنه بيزود إنتاج الكولاجين. أما طريقة استخدامه فهي كالتالي:-

• انقعي أوراق الشاي الأخضر في الماء الساخن لحد ما تختلط بيه بشكل جيد.
• خذي كمية من الشاي في وعاء آخر.
• قومي بإضافة ملعقتان من السكر البني بالإضافة إلى ملعقة من القشطة.
• ضعي الخليط على وجهك ودليكه بحركات دائرية بعد ذلك اشطفيه بالماء الفاتر.

وصفة العسل لتلميع البشرة

• ضعي قطرات من العسل الخام على بشرتك.
• دلكي بشرتك بحركات دائرية رقيقة ثم اغسليها بالماء الفاتر.

استخدام وصفة العسل بشكل يومي تساعد على زيادة توهج البشرة ولمعانها بشكل أفضل.

للمزيد: بالصور..أجمل رسومات حنه للجسم ونصائح قبل رسمها.