التجربة الجهنمية
اقفلوا المااااااااايك
الامتحانات الأون لاين وما أدراكم ما الامتحانات الأون لاين..النهاردة الكاتبة رانية العربي بتشاركنا بأكثر المواقف الساخرة اللي كلنا بنمر بيها وقت الامتحانات. وبتطلب من الجميع حاجة واحدة بس هي “اقفلوا المااااااااايك ”
اقفلوا المااااااااايك
- مس يامس الامتحان في يونيت ايه؟
- مس يامس هو الامتحان كام سؤال؟
- مس مس هو هنحل بالجاف ولا بالرصاص؟
- المس: ده اون لاين اون لاين !!!
- مس يامس
- المس: ياولاد الامتحان سهل خالص متعملوش زي بني اسرائيل بقي وتصعبوها علي نفسكم وتسالوا كتير.. حلوا بهدوء واقفلوا المايك يامس يامس _ يا مييييييس
- عايزين ايه تاني؟؟
- يعني معرفش اصلي ركعتين الضحي !! استغفر الله العظيم
- مس يامس _مس مسسسسس
- المس: روح وطي علي حلة المحشي ياادهم
- مس يامس ده محشي كرنب ولا ورق عنب؟
- مس انا بحب اوي المحشي _ انا نفسي في ملوخيه
- المس: حلوا الامتحان وركزوا واقفلوا المااااااايك
- مس هو السؤال الاول ده مهم؟
- مس ممكن اسال سؤال؟
- مس النت عندي بطئ ومش عارف احل
- المس: يا احمد روح اكل القطة ماكلتش من امبارح بالليل !
- مس انتي حضرتك عندك قطة؟
- مس القطة اسمها ايه؟
- مس ممكن تفتحي الكاميرا عشان نشوف القطة
- المس: اقفلوا الماااااااايك
- مس _مييييييس
- قومي يا جني هاتي لبابا بطيخ من التلاجة
- لما اخلص الامتحان ياماما
- مس انا خلصت الامتحان
- شيل اخوك يايوسف علي ما اشيل السجادة
- واء واء واء واء
- اخوك بيعيط
- كيوت اوي
- اخوك الصغنون اسمه ايه؟
- ياميييييييس
- اقفلوا المااااااايك
- dhميييييييييس
- انا عندي اخت اصغر مني وطول النهار تعيط
- ماما كمان هتطبخ محشي النهاردة
- مس _ياميييييييس
- المس بتصوت : الحصة ملغية والامتحان اتلغي والمحشي اتحرق !! انبسطتوا؟؟ ادي اللي اخدناه من الاون لاين !! _يخيبكم _يعني يوم مااعمل محشي يتحرق !!! _ توب علينا يارب>
بقلم الكاتبة: رانيا كمال العربي
للمزيد: ماما سيبي الشغل!!
.
