بالصور..افكار عبايات صيفي اختاري المناسب ليكي

بنات وستات كتير بتحب تشتري عبايات في الصيف. لأنها بتكون واسعة ومريحة ومناسبة للبحر أو الخروجات الخفيفة. بالإضافة للنوعيات المناسبة للخروجات العائلية. والنهاردة جمعنا ليكي تشكيلة من أفكار العبايات اللي ممكن تعملي زيها أو تشتريها. لكن في البداية خلينا نقولك على شوية تفاصيل تخليكي تظهري بكامل أناقتك.

ازاي تختاري عبايات مناسبة ليكي

فيه أنواع مختلفة جداً وكثيرة من عبايات الصيف. لكن قبل ما تشتري أي واحدة منها راعي مجموعة مهمة من التفاصيل ومنها:-

الطول

اختيار عباية طويلة جداً اختيار خاطئ وبيخلي مظهرك سواء كنت صغيرة أو متوسطة أومتقدمة في العمر مش مناسب. لذلك خبراء الأزياء بينصحوا انك تلبسي كعب وانت بتقيسي العباية علشان تتأكدي إن طولها مش بيتعدى كاحل القدم.

طول الأكمام

بالإضافة لطول العباية نفسها. كذلك طول الأكمام مهم جداً علشان تظهري بمظهر أنيق ومناسب. وأفضل طول لكم العباية هو الكم اللي بينتهي عند معصم اليد. كذلك النوع ده بيكون عملي جداً.

المقاس المناسب

من المهم انك تختاري مقاسات مناسبة لمقاس جسمك. وده لأن اختيار أقل من مقاسك درجة أو درجتين بيظهر عيوب الجسم، وبيخليكي تظهري بشكل غير مستحب. لازم العباية تكون منسدلة على الجسم لأن ده الهدف الأساسي من تصميمها. لكن لو حابة تلبسي حاجة تظهر منحنيات جسمك فحاول تبعدي عن العبايات.

تجنبي الطبقات الكثيرة

اختيار عبايات بسيطة بتتكون من طبقة أو طبقتين فقط من أفضل الاختيارات ليكي. لأن الطبقات الكثيرة والعبايات اللي فيها تفاصيل كثير بيفسد المظهر الخاص بها. خصوصا لو كان جسمك صغير فانت في حاجة لعباية بسيطة جدا خاصة عند منطقة الاكتاف.

اختيار عباية خفيفة الوزن

من الافضل اختيار الاقمشة الانسيابية واللي بيكون وزنها خفيف. لأنها بتدي مظهر انسيابي شيك جداً وفي نفس الوقت بتكون مناسبة لدرجة حرارة الصيف المرتفعة.

اختيار التطريز المناسب

التطريز يعتبر من العناصر اللي بتضفي فخامة على العباية. لكن مش كل العبايات المطرزة هتكون مناسبة لكل الأوقات. كذلك من المهم اختيار الزخرفة البسيطة واللي معمولة بدقة. ومن المهم تجنب الأنواع اللي زخرفتها غير متقنة أو فيها أنواع كثير من عناصر التطريز.

تصميمات عبايات مختلفة

للمزيد: قصات شعر قصيرة لكل أشكال الوجه.