طريقة عمل الكنافة بكل الوصفات اللي تتخيليها
بالرغم من شهر رمضان يعتبر من أكثر الشهور اللي بنعمل فيها الكنافة، إلا إنها من الحلويات اللي بنحبها طول الوقت. وفي معظم العزومات بنقدمها جاهزة بكل أنواعها. ولازم ما ننساش إنها بقت من أكثر الحلويات المثيرة للجدل، خصوصاً لأنها بتقدم بأسعار خرافية في أماكن مختلفة. لذلك خلينا النهاردة نتعرف سوا على طريقة عمل الكنافة لكن بكل الوصفات اللي ممكن تتخيليها.
طرق مختلفة لعمل الكنافة
طريقة عمل الكنافة بالفستق
الفستق من المكسرات اللذيذة جداً، وطبعاً لو اشترينا الكنافة بالفستق من أي محل جاهز هندفع فيها مبلغ وقدره. لكن لو نفذنا طريقة عمل الكنافة بالفستق في البيت هنوفر كثير. لذلك تعالوا نتعرف سوا على المقادير والطريقة.
المقادير
- 1 كوب لبن.
- كوب ونصف من القشطة.
- 400 جم لبن مكثف.
- عجينة الكنافة.
- 1 ملعقة سكر.
- 2 ملعقة نشا الذرة.
- نصف كوب سمنة أو زبدة، بدرجة حرارة الغرفة.
- مقدار مناسب من مسحوق الفستق.
خطوات التحضير
- في البداية يجب تسخين الفرن على درجة حرارة 180. كذلك تأكدي أن الرف في قاع الفرن.
- من المهم أن تكون الكنافة مجمدة قبل الاستخدام.
- جهزي صينية الفرن وادهنيها بالزيت أو السمن.
- قطعي الكنافة لشرائح طويلة وهي مجمدة، وبعد كده ضعي السمنة أو الزبدة عليها وقلبيها.
- قسمي الكنافة لنصفين، وخذي النص الأول وحطيه في صينية الخبز واضغطي عليه كويس جداً. كذلك لازم تخلي بالك من تبطين جوانب الصينية علشان الحشو ما يطلعش برة.
طريقة تحضير الحشو
- جهزي وعاء مناسب على مار وسخني مقدار اللبن والقشطة، بعد كده حطي السكر والنشا، وقلبي كل المكونات لحد ما تذوب تماما.
- استمري في التقليب لحد الغليان، واتأكدي إن قوامه بقى كثيف من غير ما يكون في أي كرات متماسكة.
- وزعي خليط القشطة واللبن على طبقة الكنافة الأولى. والخطوة التانية هي تغطيتها بباقي قطع الكنافة.
- خلي الصينية في الفرن لمدة تتراوح من نصف ساعة لحد 40 دقيقة لحد ما وشها يحمر.
- أول ما تطلعي الكنافة من الفرن صبي الحليب المكثف عليها لغاية ما سطحها يتغطى بالكامل.
- رشي الفستق فوق الوجه، وسيبي الكنافة علشان تمتص الحليب لمدة ربع ساعة.
- قدمي الكنافة وهي دافئة.
طريقة عمل الكنافة بالموزاريلا
الكنافة بالموزاريلا هي البديل عن الكنافة النابلسية اللي بنعملها بالجبن الحلو أو ما يطلق عليه “جبن العكاوي”. لكن في النهاية النتيجة بتكون مبهرة جداً. أما المقادير والطريقة فهي كالآتي:-
المقادير المطلوبة
- عجينة الكنافة.
- مقدار مناسب من السمن أو الزبدة “على حسب المتوفر”.
- شربات الكنافة.
- مقدار من الجبن الموزاريلا. وممكن نضيف لها جبن الريكوتا لو متاح.
- فستق مطحون.
طريقة التحضير
- قطعي عجينة الكنافة لقطع صغيرة كالمعتاد.
- جهزي صينية الفرن وادهنيها بالزيت أو السمن، بعد كده حطي نصف عجينة الكنافة واضغطيها كويس جدا.
- بعد كده وزعي حبن الموزاريلا مع ترك سنتيمتر واحد من كل جانب من غير حشو.
- ضعي نصف العجينة التاني واضغيه بشكل جيد، واتأكدي إن الحواف مغلقة كويس جداً علشان الجبنة ما تطلعش من الأطراف.
- حطي الكنافة في الفرن لحد ما وشها يحمر ويكون ذهبي.
- صبي الشربات على الكنافة وبعد كده رشي السكر المطحون.
طريقة عمل كنافة بالمانجة
طبعا الكنافة بالمانجة من أكثر الأصناف اللي بتمثل عشق لناس كثيرة. لكن في نفس الوقت خلينا نعترف إن أسعارها مبالغ فيها تماماً. لذلك لو حضرتيها في البيت هتكوني أشطر ست بيت في الكوكب. واحنا حنقولك على سر الطريقة اللي تخليها زي المحلات بالظبط.
المقادير المطلوبة
- كوب زبدة سايحة.
- مقدار كوب ونصف قشطة.
- 2 ملعقة عسل.
- 1 ملعقة قرفة مطحونة.
- ملعقة صغيرة فانيليا.
- مقدار الكنافة.
للحشو
- 6 صفار بيض.
- نصف كوب سكر.
- نصف كوب شراب مانجو.
- ثلث كوب عصير ليمون.
- 1 ملعقة كبيرة نشا ذرة.
- ملعقتان صغيرتان قشر ليمون مبشور.
- نصف كوب زبدة مكعبات.
- مقدار نصف كوب مانجو مقشر.
- نصف كوب برتقال نقشر ومقطع.
- مقدار نصف كوب عنب أحمر مقطع لنصفين.
- سكر بودرة.
خطوات التحضير
- سخني الفرن على درجة حرارة عالية حوالي 350 درجة.
- جهزي مقلاة تيفال وبعد كده بطنيها بالورق الفويل.
- حضري وعاء كبير وحطي فيه الزبدة والقشطة والعسل والقرفة والفانيليا واخفقي كل المكونات بشكل جيد.
- خذي الكنافة وحطيها بالراحة في الخليط السابق بعد كده حطيها في المقلاة على الورق الفويل. كذلك اضغطي عليها كويس جداً، وحطيها في الفرن لحد ما تبقى بلون ذهبي.
- خرجي الكنافة من الفرن وبعد كده شيلي الورق الفويل وسيبيها تبرد.
- لحد ما الكنافة تبرد اخفقي صفار البيض والسكر وعصير المانجو وعصير الليمون ونشا الذرة وقشرها لحد ما يكونوا خليط ممتزج تماما ويكون خليط كثيف جداً.
- ارفعي الخليط من على النار وصفيه كويس جدا.
- ضيفي المناجو البارد وغطي الكاستر بوعاء بلاستيك وحطيه في الثلاجة.
- حطي الخليط السابق في منتصف الكنافة وزيني الوجه بالبرتقال والعنب ورشي سكر البودرة على الوجه.
طريقة عمل كاسات الكنافة
كاسات الكنافة طريقة مختلفة تماماً عن الطرق التقليدية. كذلك بتكون مناسبة للعزومات لأن شكل تقديمها بيكون شيك جداً. لذلك تعالي بسرعة نعرف الطريقة.
المقادير المطلوبة
- نصف كيلو كنافة.
- 1 كوب سمنة.
- مقدار 1ملعقة صغيرة فانيليا.
- ثلاث ملاعق كبيرة كاستر بودرة.
- مقدار من النوتيلا.
- عدد 2 كوب سكر.
- كوب ماء.
- عصير ليمونة.
خطوات التحضير
تجهيز الشربات
- حطي الماء والسكر على النار وأول ما الخليط يبدأ في الذوبان، ضيفي عصير الليمون. بعد كده ارفعي الخليط من على النار وسيبيه لحد ما يهدا وحطيه في الثلاجة.
تجهيز الكنافة
- قطعي الكنافة قطع صغيرة جدا وحطيها في وعاء مناسب على النار. لكن من المهم إن النار تكون هادية.
- ضيفي السمنة والفانيليا وقلبي المكونات لحد ما لون الكنافة يتحول للون الذهبي. بعد كده صبي الشربات البارد عليها.
- حضري الكاستر بنفس الطريقة الموجودة على العبوة.
- جهزي الكاسات وحطي طبقة من الكنافة، بعد كده طبقة من الكاستر، بعدها نوتيلا، وكرري الطبقات لحد ما تنتهي كل الكمية.
- دخلي الكاسات في الثلاجة عشان تبرد.
تحضير الكنافة بالعجوة
طريقة الكنافة بالعجوة من الطرق اللذيذة جداً والسهلة جدا. أما خطوات التحضير فهي كالتالي:-
المقادير
- مقدار نصف كيلو كنافة.
- نصف كوب سكر بودرة.
- 1 كوب سمنة.
- مقدار ربع كيلو عجوة.
- نصف كوب كريمة لبانى.
- مقدار من الماء.
خطوات التحضير
- بعد تقطيع الكنافة حطيها في مقلاة على نار متوسطة وحطي السكر والماء وقلبي كويس.
- اخلطي العجوة مع ملعقتين سمنة وحمريها على النار بعد كده ضيفي مقدار من الماء والكريمة.
- اخطي الكنافة مع العجزو ضيفي عليهم مقدار من الشربات.
- بعد كده شكل الكنافة على شكل كرات وقدميها.
للمزيد:.
