6 منتجات صديقة للبيبي.. عشان كل حاجة تبقى أسهل

لما نتكلم عن منتجات صديقة للبيبي فالحقيقة إحنا نقصد إنها في المقام الأول إنها صديقة للأم. ممكن تكوني بتهتمي بالتفاصيل الكبيرة زي التغذية والعلاج ومنتجات العناية بالجلد والشعر. لكن ده ما يمنعش إن في شوية حاجات ممكن تخلي اليوم أسهل. وده اللي هتعرفيه معانا في مقالنا النهاردة.

منتجات صديقة للبيبي مش هتستغني عنها

بالرغم من إن الحاجات دي منتشرة وبقت موجودة إلا إن في أمهات كثير مش بتاخد بالها منها ويتعتبرها كماليات. لكن لو جربتيها هتلاقي إنها وفرت مجهود ووقت كثير. ودلوقتي يا عزيزتي الأم إليك أفضل منتجات صديقة للبيبي.

البفتة السيليكون

البفتة مش اختراع جديد، دي حاجة موجود من أيام جدود جدودنا. لكن الشخص اللي اخترع البفتة السيليكون يستحق مننا التقدير. النوع يتميز إنه يحتوي على جيب وبالتالي أي فضلات بتقع من الطفل وهو بياكل بتكون جواه. يعني هتوفري على نفسك عناء التنظيف. غير طبعاً إن البفتة غسلها تنظيفها سهل جداً غير الأنواع القماش.

زجاجة الرضاعة مع الملعقة

وده تطور مشكور للغاية. في الوقت اللي ممكن تدمجي فيه بعض الأكلات المسلوقة مع أكل الطفل استخدام زجاجة الرضاعة المحتوية على معلقة هيوفر عليكي وعلى البيبي حاجات كتير. طبعاً هنقلل من الفوضى اللي بتحصل وقت الأكل.

منتجات صديقة للبيبي

حوض الاستحمام

بالرغم من إن ناس كثيرة هتقولك إنه بياخد مكان وإنت مش محتاجاه، لكن هتكتشفي أهميته مع الوقت. أولاً اختيار حوض الاستحمام عالي الجودة هيوفر كل عوامل الأمان للطفل. ثانياً هيساعدك إنك تخلي وقت الاستحمام أسهل. أما التخزين والتنظيف فده بيعتمد على النوع اللي هتحصلي عليه، وكل ما كان نوع جيد وبيحتوي على كماليات مهمة كل ما هتحسي بالفرق.

للمزيد: حوض الاستحمام للأطفال.. نصائح قبل الشراء

واقي الركب للبيبي

لو إبنك بدأ يزحف فمن المهم إنك تحصلي على واقي الركب جداً. ده وسيلة أمان مهمة جداً وقادرة إنها تحمي ركب الطفل من الاحتكاك بالأرض أو التعرض للجروح والكدمات.

الباونسر أو البيبي روكر

لو محتاجة وقت عشان تتحركي بحرية في البيت وتنجزي أعمال كثير يبقى دوري على باونسر أو بيبي روكر. الباونسر أو الكرسي الهزاز بيوفروا للطفل مكان آمن عشان ينام أو يلعب من غير ما تشعري بالقلق. في أنواع بتقدملك درجة أمان عالية جداً من خلال الأحزمة والأربطة. وفي أنواع بتوفر أكثر من شكل للحركة، يعني حركة اهتزازية أو جانبية، طبعاً غير الأنواع المزودة بلعب أو موسيقى. يعني سيبي البيبي في العالم الخاص بتاعه وقومي بأعمالك بحرية واطمئنان.

اقرأي أيضا: الفرق بين الباونسر و الكرسي الهزاز للأطفال

الكارسيت 

علشان الخروجة تكون أسهل وأكثر أماناً، من المهم إنك تحصلي على الكارسيت المناسب. لازم تتأكدي من عناصر كثيرة خاصة باختيار كرسي السيارة للطفل. لكن في النهاية هو من المنتجات اللي ما ينفعش تستغني عنها.

للمزيد: لكي تكون تجربة الأمومة أسهل إليك بعض المنتجات الهامة