5 مواقع لشراء ملابس العيد أون لاين
بهجة العيد مش بتكمل إلا لما نشتري للأولاد ملابس العيد. لكن يا ترى إيه هي أفضل المواقع اللي ممكن تشتري منها ملابس الأطفال المتنوعة؟ وازاي تضمني إنك بتحصلي على خامات جيدة وفي نفس الوقت أسعار مناسبة جداً؟ لذلك النهاردة بنقدملك مجموعة من أهم المواقع اللي تقدري تتسوقي عليهم أون لاين وتحصلي على أفضل الفرص.
مواقع أون لاين لملابس العيد
ملابس العيد متنوعة جداً، والأسعار بتتراوح ما بين أسعار عالية جداً ومتوسطة، وأحياناً أسعار وتخفيضات قليلة للغاية. لكن ساعات الأمهات بتواجه مشاكل كبيرة مع السلع قليلة السعر لأنها مش بتكون لها جودة عالية وبالتالي بتترمى بعد لبسة أو اتنين. لذلك تقدري تلاقي ملابس أطفال مختلفة وبأسعار كويسة وفي نفس الوقت جودة عالية جداً.
موقع جوميا
موقع جوميا من أكثر المواقع اللي بتقدم فرص متنوعة ومتفاوتة جداً سواء في نوعية الملابس أو الماركات والأسعار. علشان كده تقدري تحصلي على قطع متنوعة سواء من الملابس الداخلية أو ملابس الخروج بالإضافة لباقي تكملة الملابس زي الشرابات والأحذية. وتقدري تلاقي أسعار مناسبة جداً بتبدأ من 150 جنيه للقطعة.
للتسوق: موقع جوميا
موقع defacto
موقع ديفاكتو بدأ في طرح العديد من قطع الملابس بتخفيضات جيدة جداً، وتقدري من خلالها تحصلي على بنطلونات جينز للأولاد أو البنات بتبدأ من 180 جنيه أو أقل. بالإضافة لمجموعة من شورتات البنات الرائعة جدا اللي ممكن تبدأ ب140 جنيه. كذلك هتقدري تلاقي مجموعة من الفساتين الصيفي القطنية للبنات بأسعار جيدة جداً.
للتسوق: موقع defacto
موقع thebabygarge
موقع TBg بيقدم فرص جيدة ليكي علشان تتسوقي ملابس الخروج وملابس البيت بأسعار جيدة للغاية. وتقدري تلاقي سويت شيرت أولادي بماركات جيدة جداً بأسعار بتبدأ من 140 جنيه. بالإضافة لمجموعة شيك جداً من أفضل الترينجات للبنات.
للتسوق:موقع TBg
موقع LC Waikiki
يعتبر موقع LC Waikiki من اكثر المواقع اللي بتقدم لك فرص متنوعة جداً للحصول على ملابس العيد للأولاد والبنات. كذلك تقدري تلاقي تشكيلة من ملابس الخروج وملابس لابيت للأطفال من حديثي الولادة ولحد عمر 14 سنة. كذلك الأسعار جيدة جداً وتقدري تحصلي على قطع مختلفة بتبدأ من 99 جنيه.
للتسوق: موقع LC Waikiki
موقع max
ماكس من المواقع المتميزة للغاية سواء في الأسعار أو جودة المنتجات اللي بيتم طرحها. وبمناسبة العيد في تخفيضات جيدة جداً وممكن تحصلي على قطع بتبدأ من 70 جنيه للقطعة الواحدة. كذلك تقدري تلاقي مجموعة من الأطقم المطروحة اللي بتبدأ من 120 جنيه.
للتسوق: موقع ماكس
.
