4 أسباب يخلوا حفلة عيد الميلاد في البيت أفضل

دلوقتي أمهات كتيرة بتحتار تعمل حفلة عيد الميلاد لأولادها فين؟ يا ترى تأجر كافيه ولا قاعة ولا مكان مفتوح. وكل حلفة بيكون لها تكلفة كبيرة وخطة يا إما تفشل يا إما تنجح. لكن مع تغير الأوضاع المادية في العالم كله أكيد هنفكر كتير قبل ما نصرف الفلوس في رفاهية ممكن نعملها في البيت. والأسباب الجاية هتقولك ليه الاحتفال في البيت أفضل.

لماذا من الأفضل أن تقيمي حفلة عيد الميلاد في المنزل؟

تكلفة قليلة وراحة أكتر

أول سبب يخليكي تعملي حفلة عيد الميلاد في البيت هو أنها بالتأكيد هتكون بتكلفة أقل وهتقدري تتحكمي في مصاريفك. لأنك مش هتكوني مضطرة لإيجار مكان مناسب لعدد أصدقائك. وفي نفس الوقت هتكوني متحكمة في كل تفصيلة من أول اختيار زينة بسيطة وكيك عيد ميلاد بسيط ومناسب للاحتفال في البيت. ده غير إن الاحتفال في البيت معناه إنه هيقتصر على أقرب الأصدقاء وبالتالي تقليل المصاريف.

اقرأي أيضا: أفكار هدايا أعياد ميلاد للبنات 8-10 سنوات

عدم التقيد بملابس معينة

لو عملت حفلة عيد الميلاد خارج المنزل فده معناه إنك مضطرة تحضري للأولاد ملابس مناسبة للاحتفال خارج المنزل. وفيه أماكن كتيرة هتقدم لك عروض علشان ملابس الأطفال تكون ملابس تنكرية وشخصيات كرتونية. وده يعتبر عبء مادي كبير خاصة لو عيد الميلاد في وقت قرب دخول المدرسة. كمان هيعتبر عبء مادي على الأصدقاء اللي هيكونوا مضطرين يجوا بملابس تنكرية مناسبة.

عدم التقيد في الوقت

طبعا حجز مكان مفتوح أو قاعدة هيخليكي مقيدة بإقامة الحفلة في الوقت اللي تم الحجز عليه. لكن لو حصل ظروف مختلفة أو الوقت ما كانش كافي إنك تكوني جاهزة فده معناه إما ضياع نسبة من فلوس الحجز أو إنك تعملي العيد ميلاد في وقت مش مناسب ليكي. لكن اختيار البيت هيساعدك في اختيار المعياد المناسب ليكي وفي نفس الوقت هتكوني متحكمة في كل التفاصيل.

التحكم في التفاصيل

ده جزء مهم جدا لازم تفكري فيه. لأن عمل الحفلة في نطاق المنزل هيساعدك تتحكمي في تفاصيل مختلفة. زي عدد المدعوين أو وقت الحفل. كذلك تقدري تحددي نوعيات الحلويات سواء هتكون منزلية أو جاهزة وهتقدري تحددي كمياتها. وكل العوامل دي في الآخر بتصب في مصلحة الميزانية والتوفير وفي نفس الوقت تقدري تجهزي لأطفالك حفلة يفتكروها للأبد.

للمزيد: 8 أفكار ترندي تخلي أعياد الميلاد ممتعة جداً وبأقل تكلفة.