منتجات للأمان والسلامة لو طفلك بدأ يمشي

طول ما الطفل الرضيع لسة مش بيتحرك فنقدر نقول إنه آمن بدرجة كبيرة. لكن أول ما يبدأ يكتشف العالم حواليه سواء بالحبو أو المشي هنا بنواجه مشاكل كثيرة. وطبعا مافيش أم ما اتفجأتش بحاجات بتتسحب من على الطرابيزة، أو أدراج بتتفح، أو الوصول لأماكن خطر في الشقة زي البوتجاز أو البلكونة. لذلك أول ما تلاحظي إن ابنك أو بنتك بدأوا التعامل مع أي حاجة في البيت لازم تفكري في تأمين كل مصادر الخطر. ولو انت لسة جديدة خلينا النهاردة نقدم لك قائمة من أهم منتجات للأمان والسلامة عشان تكوني مطمنة.

منتجات الأمان والسلامة لحماية الأطفال

في تفاصيل ممكن تكون غايبة عند لكنها مصدر خطر كبير. لكن من حسن الحظ إن التطور اللي بيحصل في العالم بيقدر يخدم الأمهات والأطفال ويوفر منتجات تحافظ على السلامة. لذلك اخترنا ليكي مجموعة من المنتجات الضرورية جدا واللي هتقدر تحسسك إن طفلك آمن جداً.

حزام أمان

حزام الأمان من أفضل المنتجات اللي تساعد طفلك على تعلم المشي بأقل خطورة ممكنة. لأنه هيساعدك تحمي الطفل من الوقوع أو أنه يصطدم بأي شيء يسببله جرح.

المنتج: ريدينيل من شيكو للبيبهات

حزام مصنوع من المطاط بيتم لفه حول كتف الطفل وظهره. كذلك بيتميز بإنه مصنوع من المطاط غير السام ويقدر يساعد أي حد بيرعى الطفل على التحكم في حركته من غير ما يحس بألم في الظهر. كمان الحزام بيساعد الطفل على التوزان خلال المشي. والحزام مصمم بشكل يسمح التحكم في طوله من كل الاتجاهات.

سدادة الباب

سدادة الباب من أفضل منتجات للأمان والسلامة للطفل. ومن المهم أنك تحصلي على نوع قوي يضمن عدم قدرة الطفل على تحريك الباب أو غلقه.

المنتج: سدادة باب للأمان من دريم بيبي

السدادة تتميز بقدرتها على الثبات على السطح المثبتة عليه. لذلك هي بتمنع الطفل من نزعها وبالتالي بتوفر أمان كبير من احتمالية غلق الباب على إيد الطفل أو حتى انغلاق الباب على الطفل وحبسه.

بوابة الأمان

بوابة الأمان أيضا من المنتجات المهمة في الأماكن اللي بتحتوي على سلالم، وبالتالي بتحمي الطفل من السقوط.

المنتج: وبوابة أمان للطفل ذاتية الإغلاق من هاوك

البوابة مصنوعة من المعدن القوي صعب الانزلاق. كذلك مزودة بخاصية الغلق الأتوماتيك وممكن تركيبها على الدرابزين للسلالم الدائرية.

قفل الأمان للأدراج

قفل الأمان الخاص بالأدراج مهم جداً. ده لأنه بيمنع الطفل من أنه يوصل لأي أدوات مضرة أو خطيرة. لكن لازم تختاري قفل الأمان القوي عشان تحمي طفلك تماماً.

المنتج: قفل امان محمول للدرج من كانبول بيبيز

القفل مناسب لجميع أنواع الأدراج، وسهل التركيب. وهو مخصص لحماية الأطفال لحد عمر عام ونصف.

واقي الأركان

مع حركة الأطفال وخصوصا وقت تعليم المشي ممكن يتعرضوا للسقوط على الأركان المختلفة للأثاث، وده ممكن يعرضه لحوادث مختلفة. عشان كده واقي الأركان من أهم أدوات الحماية.

المنتج: واقي اركان من كانبول بيبيز

بيتميز بسهولة تثبيته على أي زاوية كمان من الصعب نزعه لأنه مثبت بـ 2 من الشرائط اللاصقة. كذلك هو مصنوع من البلاستيك الصحي.

قفل المرحاض

طبعا كلنا عارفين إن حب الطفل للاكتشاف ممكن يوصله لأماكن غير مرغوب فيها. لذلك قفل المرحاض بيعتبر من المنتجات اللي بتحميه من الحركات غير المتوقعة تماما.

المنتج: قفل المرحاض من دريم بيبي

القفل مزود بخاصية عدم الانزلاق، كمان من الممكن تثبيته بسهولة، وبيضمن غلق المرحاض بقوة وعدم استطاعة الطفل إنه يقوم بفتحه.

حاجز السرير

الطفل ممكن يتحرك من على السرير وهو في شهوره الأولى، ولو ما كنتيش معاه فممكن يتعرض للسقوط. لذلك لازم يكون عندك حاجز سرير لحمايته.

المنتج: حاجز سرير عريض ماجي من دريم بيبي

الحاجز مناسب لأي سرير كمان بيتميز بطوله وسهوله تركيبه وطيه.

للمزيد: قواعد السلامة لرعاية الأطفال وحمايتهم داخل وخارج المنزل.