مميزات العمل من المنزل للأمهات
العمل من المنزل اتجاه انتشر بدرجة كبيرة بعد أزمة كورونا. وبالرغم من إنه موجود من فترة طويلة إلا إن فيه كتير من الشركات بدأت تعتمده كنظام أساسي لأن له مميزات كتير. لكن بالنسبة للأمهات فيه حاجات كتير تخليه من أفضل الخيارات اللي ممكن تكون مناسبة لهم.
العمل من المنزل وأهميته للأمهات
العمل أصبح ضرورة لكل أم للعديد من الأسباب، وخاصة الأسباب المادية. لكن الوظيفة والمسؤوليات المنزلة والأطفال بيكونوا من أكتر الأعباء اللي بتتحملها أي أم. لذلك فكرة العمل من المنزل بتكون أفضل شيء لأمهات كتير. أما أهم مميزات النوع ده من العمل فممكن نذكرها في النقاط الجاية.
توفير المجهود
النزول للعمل بيتطلب مجهود كبير، زي مجهود الطريق والمواصلات وتحضير الملابس الخاصة بالعمل. وطبعا بذل المجهود ده مع وجود أطفال بيكون عبء كبير على الأم. لكن لو الشغل من البيت كل المجهودهتقدري تحوليه للاهتمام بتفاصيل مختلفة.
توفير النقود
بالتأكيد توفير النقود من أهم مميزات العمل من بيتك، لأنك بتوفري فلوس كتير خصوصا المتعلقة ببند المواصلات واستهلاك الملابس والطعام.
الطعام الصحي
معظم السيدات اللي بتعمل من مقر الشركات مش بتلاقي طريقة لتنظيم مواعيد أكلها أو أنواع وجبتها. لكن ده بيكون سبب في حصولها على الوجبات السريعة اللي بتسبب زيادة في الوزن. لكن وانت في البيت تقدري تنظمي مواعيد وجباتك وتحددي الأكل الصحي الخاص بيكي.
تنظيم الوقت بصورة أكتر
لو كنت بتعملي من المنزل فده معناه انك تقدري تتحكمي في وقتك بصورة أفضل من العمل من داخل مقر الشركة. كمان احساسك بتوفير المجهود هيساعدم في إنجاز المهمات الخاصة بيكي بصورة أفضل.
متابعة الأطفال
من افضل الفرص اللي قدمها العمل عن بعد إن كل أم تقدر تراعي أطفالها في نفس الوقت اللي بتعمل فيه. إنت هتكوني متصلة بأطفالك وشايفاهم قدامك وفي نفس الوقت بترسمي خطة نجاح عملك وبتشتغلي على تحقيقها.
اتساع المجالات
فيه مجالات كتيرة تقدر الأمهات تشتغل فيها من البيت. زي الترجمة أو البرمجة أو خدمات الإنترنت المختلفة والتصميمات والكتابة. ده غير إن المجال بقى متاح حاليا للتجارة الإلكترونية وتقدري من بيتك تعرضي منتجات كتيرة وتبيعها من خلال المواقع المختلفة وتحققي ربح كبير. كذلك الأعمال المرتبطة بتحضير الوجبات وتجهيزها. وكل دي مجالات مربحة للغاية وتقدري تبدأي فيها عملك بخطوات بسيطة جداً.
للمزيد: 10 إرشادات مهمة وقت السفر بالسيارة مع الأطفال
.
