جدول وجبات مدرسية ممكن تحضريها خلال الأسبوع

“نحضر إيه للانش بوكس”؟ ده واحد من الأسئلة اللي بتخليكي تصحي من نومك مفجوعة كل يوم. الحقيقة هو الموضوع يحير بدرجة كبيرة. خصوصا إن كل الأمهات عايزة تتأكد إنها بتدي ولادها وجبات صحية جداً. عشان كده قررنا ننهي على الحيرة تماماً. وده جدول بأفضل وجبات مدرسية للأنش بوكس تكفي الأسبوع بالكامل.

الوجبات المدرسية خلال أسبوع

واحنا بنقدم الوجبات المدرسية دي هدفنا إننا نساعدك تحضري المكونات وتجهزيها. لأن الطريقة دي هتساعدك في توفير الوقت والمجهود. كذلك في يوم واحد بس ممكن تشتري الحاجات وتخزينها للأسبوع كله. يعني مافيش واقفة كل يوم في السوبر ماركت مع حيرتك الأبدية. لذلك جه وقت التحضير. 

الوجبة الأولى

• فطيرة البيض والخضروات. ودي إعدادها ساهل جداً. ممكن تجهزي طاسة على النار وتسخني فيها الزبدة مع الخضروات زي الفلفل الألوان والزيتون أو السبانخ. بعد كده تحطي الخضار في صينية الكب كبك وتصبي عليه البيض المخفوق بالتوابل. وتخبزيهم.
• شرائح الخيار مع قطع الجبنة الشيدر.
• قطعة من الجبن النستو. أو من الممكن قطعة من اللبنة.
• موزة واحدة. كذلك ممكن نحضر فطيرة الموز بطريقة سهلة. جهزي نصف رغيف عربي وعليه طبقة من زبدة الفول السوداني والعسل وفوقهم الموزة ولفي الرغيف وقطعيه لقطع.
• قطع من البسكويت السادة.

الوجبة الثانية

• سندوتش جبة بالزيتون. وممكن تحضريه بأي نوع من الخبز. كذلك عشان يكون شهي ممكن تدهني العيش بزيت الزيتون والزعتر. بعد كده حطي شرائح الخس والزتون وقطعة من الجبن الشيدر أو التركي أو الجبن المفضل لطفلك.
• علبة صغيرة من المسكرات. لو المكسرات مش متوفرة ممكن تحطي فواكه مجففة زي المشمية والتين المجفف والزبيب.
• أي نوع من الفاكهة المتوفرة في البيت.
• شرائح الخيار أو شرائح الجزر.

الوجبة الثالثة

• قطعتين عيش توست ويفضل يكون من الحبوب الكاملة.
• شرائح من الجبن الشيدر أو تركي.
• شريحة من اللحم البارد أو الرومي المدخن.
• علبة زبادي.
• شرائح الطماطم مع الخس.

الوجبة الرابعة

• 2 من شرائح التوست بالبيض والجبن.
• حبة واحدة من الموز.
• شرائح الطماطم مع الخيار أو الخيار مع الجزر.

الوجبة الخامسة

• بيضة واحدة مسلوقة.
• ميني بيتزا بسيطة. عن طريق تقطيع شرائح التوست إلى قطع مستديرة ووضع الصلصة والموتزاريلا والزيتون على الوجه وخبزها. ” لا يفضل أبداً شراء البيتزا الجاهزة”.
• حبتين من التمر.
• تفاحة مقطعة إلى شرائح. كذلك قومي بعصر نصف ليمونة على التفاح.
• كوب من عصير الفواكه المصنوع في المنزل.

الوجبة السادسة

• بيضة مسلوقة.
• شريحة من الجبن الشيدر أو الجبن التركي.
• شرائح الجزر والخيار.
• سلطة بطاطس مسلوقة.
• بسكويت خالي من الملح.

الوجبة السابعة

• كوب من الزبادي.
• سلطة فواكه من الفواكه المتوفرة في المنزل.
• شريحة عيش توست بالجبن.
• خضروات مقطعة إلى شرائح.

للمزيد: أفكار سريعة لتحضير لانش بوكس الأمهات.