نمو شعر البنت بعد الولادة..5 خطوات مهمة لنمو أسرع

نمو شعر البنت المولودة من أكثر الحاجات اللي بتشغل أي أم. لكن ممكن أمهات كثير تشعر بالإحباط لو كان شعر البنت خفيف ونموه بطيء. أما المعلومة المهمة هي إن معظم الأطفال بيتولدوا بشعر خفيف أو من غير شعر. لكن مع الوقت بيبدأ الشعر في النمو بشكل طبيعي. لكن هل ممكن نساعد الشعر على إنه ينمو بشكل سريع؟ الحقيقة إن في طرق رعاية كثيرة بتساعد على زيادة شعر البنت ونموه بشكل صحي. الطرق دي هنعرفها في مقالنا النهاردة.

اقرأي أيضا: 3 من منتجات العناية بالشعر للأطفال وأهم مواصفاتها

طرق رعاية تساعد على نمو شعر البنت

من أول يوم بعد الولادة لازم نعطي رعاية خاصة لشعر وجلد الأطفال سواء كانوا أولاد أو بنات. أما طرق العناية بالشعر فهي كثيرة ومتعددة. والطرق اللي بتساعد على النمو بشكل سريع ممكن نستعرضها في النقاط الجاية.

استخدام زيت جوز الهند

زيت جوز الهند من أكثر المواد الطبيعية اللي بتدخل في صناعة منتجات العناية بشعر وجلد الأطفال. وأهم مميزات زيت جوز الهند إنه بيحتوي على نسبة عالية من فيتامين E ومضادات الأكسدة. لذلك هو يساعد على تحفيز نمو الشعر بشكل أسرع لأنه بيحسن الدورة الدموية في فروة الرأس.

طريقة استخدام زيت جوز الهند سهلة وآمنة تماماً. كل اللي هتحاجيه إنك تدلكي فروة رأس الطفل بزيت جوز الهند  واتركيها لمدة 20 دقيقة. بعد كده اغسلي فروة الرأس بالماء الدافئ وكرري العملية لأكثر من مرة خلال الأسبوع الواحد. لكن يفضل استخدام جوز الهند العضوي أو البكر لأنه غير معالج بأي طريقة. الطريقة دي بتحفز نمو الشعر وبتقضي على غطاء المهد.

تمشيط فروة الرأس

تمشيط فروة الرأس أيضاً يعتبر من الأمور المحفزة على نمو شعر البنت. لأن التشميط يساعد على إزالة الطبقة الجافة من البشرة. كذلك التمشيط يؤدي لتحفيز الدورة الدموية بشكل كبير.

استخدام الشامبو

تخاف الكثير من الأمهات من استخدام الشامبوهات على فروة رأس الأطفال. لكن استخدام الشامبو الصحي يعتبر من أهم الوسائل المساعدة على ظهور الشعر بشكل أسرع.

أما عدد مرات غسل الشعر فهي بتكون مرتين أو 3 مرات خلال الأسبوع، وده بعد وقت من الولادة لكن خلال الفترة الأولى من الأفضل غسل فروة الشعر مرة واحدة في الأسبوع.

أما الشامبو المستخدم فمن المهم إنك تتأكدي إنه صحي تماماً وخالي من السلفات أو من العطور والتركيات المضرة ببشرة الطفل.

هنا لازم نلاحظ نقطة مهمة وهي إن عدم الاهتمام بغسل فروة الرأس ممكن يؤدي لتراكم الأوساخ عليها وجفاف الجلد، وده بيعتبر من أهم الأسباب لضعف نمو الشعر.

لنمو شعر البنت استخدمي منشفة ناعمة

من الحاجات اللي ممكن تمر على أمهات كثيرة نوع الفوطة المستخدمة لتنشيف شعر الطفل. من المهم إنها تكون ناعمة على فروة الرأس. كذلك حاولي إنك تجففي فروة الرأس بطريقة رقيقة جداً مش بطريقة خشنة. استخدام المنشفة الخشنة بيؤدي لإتلاف بصيلات الشعر الصغيرة وده من أهم أسباب بطء نمو الشعر.

تجنبي ربطات الشعر

في كثير من المواليد بيكون عندهم شعر كثيف وهنا الأمهات بتحب إنها تستخدم ربطات الشعر أو السورتيت عشان تخلي شكل البنت أحلى. لكن في كثير من ربطات الشعر بتؤدي لتقصفه وده بيضعف من نموه مع الوقت. غير كده استخدام السورتيت من أكثر الأمور اللي بيحذر منها خبراء رعاية الأطفال.

للمزيد: رعاية شعر الطفل..منذ الولادة وحتى دخول المدرسة