نصائح مهمة لتجيهيز شنطة المصيف
الاجازة ورحلة المصيف هي الرحلة اللي كل أم بتحلم بيها كل سنة. لكن أحياناً المسؤولية المرتبطة بتنفيذ الحلم ده بتخليكي قلقانة وحاسة بالتوتر. لكن لو بدأتي في تجهيز كل حاجة صح الرحلة هتعدي بمنتهى السعادة. وأول حاجة محتاجة تطمني إنها جاهزة تماماً هي شنطة المصيف. ياترى تجهزيها ازي وايه أهم حاجات لازم تكون موجودة فيها؟
ازاي تحضري شنطة المصيف؟
في كذا حاجة لازم تفكري فيها قبل تجهيز شنطة السفر ومنها:-
- عدد أفراد الأسرة وهل هيكونوا محتاجين أكثر من شنطة ولا لأ.
- كم عدد أيام السفر، وهل هو سفر طويل يبقى هتضري تاخدي أشياء كثيرة، ولا سفر قصير وبالتالي هتاخدي مستلزمات قليلة.
- نوعية المكان اللي هتسافروا ليه. هل هو مكان مجهز بكل الأدوات والكماليات ولا مكان بسيط وهيحتاج إعدادات مختلفة.
- لو أطفالك كبار يبقى الأفضل يتم تجهيز شنطة خاصة بيهم.
- تجهيز شنطة جانبية للسناكس والوجبات البسيطة اللي ممكن تحتاجيها في رحلتك.
أهم مستلزمات شنطة السفر
وبعد ما تحددي كل العناصر اللي ذكرناها في الفقرة السابقة، بيجي دور تحضير شنطة المصيف ودي أهم مكوناتها:-
مستلزمات المبيت
لو الإقامة هتكون في شقة أو كامب فمن المهم إنك تحضري مستلزمات المبيت زي “ملاية، غطاء للمخدات، غطاء خفيف، مسلتزمات للطعام زي أطباق وملاعق وأكواب خفيفة. كذلك ما تنسيش مستلزمات التنظيف زي مسحوق للغسيل أو سائل تنظيف المواعين.
الأدوات الأساسية
الأدوات الأساسية والمهمة زي ( علبة الاسعافات الأولية، فرش الأسنان. فوطة شخصية).
الملابس
من المهم اختيار الملابس البسيطة اللي مش بتحتاج لكوي ومن الممكن تحضير.
- 2 طقم نوم لكل طفل ولو المصيف هيكون لفترة طويلة من الأفضل أخذ أكثر من طقمين.
- 4 أطقم خروج لكل فرد من الأقمشة الخفيفة والقطنية.
- عدد كافي من الملابس الداخلية.
- 2 طقم بحر.
- شبشب للبحر وكوتشى واحد لكل طفل.
- مستلزمات البحر وألعابه الخاصة بالأطفال.
- واقي الشمس.
- نظارة شمسية.
- مزيل عرق.
- واقي الحشرات لو هتخرجوا بالليل في أماكن مفتوحة.
- طاقية للشمس.
- مرطب البشرة.
- شامبو وبلسم.
- حفاضات كافية للأطفال الرضع.
- الكريمات المرطبة للجلد.
- أدوية خاصة بالتعرض لضربة الشمس.
- بعض الأطعمة الخفيفة التي من الممكن أن تظل محفوظة لوقت طويل أو الأطعمة المعلبة.
للمزيد: السفر مع الأطفال.. ازاي تحوليه لوقت ممتع من غير دراما؟.
