منتجات الرضع المهمة في الشتاء

عشان الشتاء يكون أسهل وادفى ويعدي على طفلك بسلام محتاجة تكتبي معانا قائمة منتجات الرضع الضرورية في الوقت ده. 

منتجات الرضع لحماية الطفل في الشتاء

في القائمة التالية تعالي نشوف إيه هي أهم منتجات الرضع اللي هيكون محتاجها. من المعروف إن فصل الشتاء من الفصول اللي الرضيع بيحتاج فيها عناية خاصة. لأن درجة الحرارة المنخفضة سبب رئيسي لإصابته بالبرد غير إنها بتساعد على جفاف الجلد وتشققه. عشان كده القائمة بتضم أهم الملابس الإضافية ومنتجات العناية بالجلد.

أهم منتجات الرضع من الملابس في الشتاء

تدفئة الأطفال في الشتاء مش بتعتمد على إنهم يلبسوا قطع كثيرة، لكنها بتعتمد على ارتدائ قطع تساعد على التدفئة، وهنا هتلاقي أهم القطع دي.

للمزيد: ملابس المولود في الشتاء.. نصائح مهمة قبل شراء

الجوارب

المتخصصين في شؤون الأطفال بينصحوا دائماً بشراء الجوارب للرضع. ومن الأفضل إنك تشتري جوارب متعددة من الصوف والقطن. وعشان توفري إنت مش هتكوني محتاجة غير حذاء واحد للرضيع، لكن للتدفئة حاولي إنك تختاري أكثر من زوج من الجوارب لإنها بتدفي أكثر من الحذاء. وعلى فكرة في العمر ده إنت مش محتاجة إن الأزواج يكونوا متشابهين. يعني لو عندك نوع بيدفي جداً لكن كل فردة مختلفة عن الثانية ما تتردديش ثانية. أهم حاجة دفء الرضيع.

القبعات

القبعة مهمة جداً للرضيع خصوصاً لو كان حديث الولادة. لأن رأسه بتحاول تتأقلم لسة مع حرارة الجو، وعشان تجنبيه خطر البرد لازم تحضري مجموعة من القبعات. 

لكن وانت بتحضري قبعات الرضيع لازم أولاً تكون من قماش ناعم على الجلد عشان متسببش أي التهابات للجلد. وطبعاً ابعدي عن القبعات المحتوية على ألياف صناعية زي البوليستر، والأفضل القبعات القطنية أو المصنوعة من الصوف الناعم.

لو كان الرضيع بدأ يتحرك أو عند القدرة على شد القبعات يبقى احصلي على الأنواع اللي بتحتوي على رباط أو مشبك يصعب المهمة عليه.

البيجامات الحرارية

البيجامات الحرارية ممكن تغني عن قطع كثير من الملابس. أولاً هي ناعمة على الجلد جداً، غير كده هي بتساعد على منحه الدفء وتعتبر لبس شتوي مثالي للغاية. 

منتجات الرضع اللازمة للتدفئة

بالإضافة لقطع الملابس في قطع إضافية هتكون مهمة جداً في الشتاء، ومنها:-

بطانية عربة الأطفال

عربة الأطفال ممكن تتعرض لتيارات هوائية وبرد، عشان كده لو الجو بارد جداً استخدمي البطانية المخصصة لعربة الأطفال. البطانية بتكون مبطنة بطبقات إضافية تمنع البرد عن الطفل.

كيس النوم

المنتج ده هيساعدك على توفير بيئة دافئة للطفل في أي مكان، لأنه بيكون مبطن ويساعد على منع وصول البرد للجسم. وممكن تستخدميه في السفر والرحلات.

للمزيد: ما هي أهم مواصفات بطانية الطفل؟

منتجات الرضع للعناية بالجلد في الشتاء

زيت جوز الهند

يعتبر زيت جوز الهند الطبيعي من أفضل المواد المربطة للبشرة. والشتاء يساعد على جفاف البشرة وتشققها، عشان كده زيت جوز الهند ممكن تقومي باستخدامه كبديل للوشن بعد الاستحمام. ومن الممكن استخدام المواد المحتوية عليه وده لأنه فعال في حماية جلد الطفل في الشتاء بدرجة كبيرة.

كريم الأطفال للبشرة الحساسة

البشرة الحساسة عند الرضع من أكثر أنواع البشرة المعرضة للجفاف والتشقق، عشان كده اختاري كريم مخصص لعناية البشرة في الوقت ده لحمايتها من الالتهاب أو الجفاف.

كريم مرطب

استخدام الكريمات المرطبة للبشرة بعد الاستحمام مهم لجلد الرضيع جداً. هو بيشك طبقة عازلة تمنع جفاف البشرة بعد تعرضها لماء الاستحمام الدافئ، كمان بتقلل من تأثر الجلد بالعوامل الخارجية.

كريمات حماية الشفاه من التشقق

لأن الشفاه من أكثر الأماكن المعرضة للهواء والبرد من المهم إنك تحصلي على كريم لحماية البشرة من مشكلة الجفاف والتشقق اللي بتزداد مع فصل الشتاء.