أطفال برج الجدي..تتوقعي منهم إيه؟

لو أولادك اتولدوا في الفترة ما بين 21 ديسمبر و19 يناير فهما بينتموا لدائرة أطفال برج الجدي. أما برج الجدي فهو واحد من الأبراج الترابية أو الأرضية. وترتيبه بين الكواكب هو الترتيب العاشر. أما صفات الأطفال مواليد برج الجدي، ده اللي هنعرفه في مقالنا النهاردة.

كل اللي محتاجة تعرفيه عن أطفال برج الجدي

نقدر نقول إن أطفال برج الجدي بيشتركوا في صفات كثيرة. ولو عرفنا التفاصيل دي ممكن ده يساعدنا على التعامل معاهم بشكل أحسن. 

القدرة على التكيف

أطفال برج الجدي عندهم قدرة كبيرة جداً على التكيف مع المواقف المختلفة. وده من أفضل الصفات اللي ممكن يتمتع بيها أي طفل في العالم. ده معناه إنهم هيعرفوا يتأقلموا مع البيئة والأشخاص الموجودين معاهم مهما كان الأمر غريب وجديد بالنسبة لهم. ومثلاً في مرحلة الرضاعة هيكون من السهل تعويدهم على الأطعمة الصلبة أو فطامهم. عشان كده نقدر نقول إن مواليد برج الجدي أشخاص سهلة التأقلم في أي مكان ومع أي ظروف. لذلك الأمهات بتحس بالحرية التغيير أو التجارب مع مواليد البرج ده.

التوتر في العلاقة مع الأم

برج الجدي برج ترابي. لكن في العلاقات بيتحول لبرج ناري. وده بيحصل في علاقة الأطفال مع أمهاتهم. لو طفلك من أطفال الجدي هتلاحظي إن في نقاشات كثيرة وخلافات بتدور بينكم. على حد تعبير خبراء الأبراج إن مواليد الجدي “بينطحوا”.. لكن مع الوقت والنضج مولود الجدي بيقدر يعلم نفسه الانضباط والتحكم. ومع النضج علاقة الندية مع الأم بتتحول لعلاقة صداقة وطيدة.

الطموح والتصميم على الهدف

من أفضل الصفات اللي تخلي أي أم فخورة بالبنت أو الولد مواليد الجدي هي الطموح الشديد. وفي نفس الوقت هما عندهم تصميم كبير على تحقيق طموحهم ومافيش أي حاجة تقدر تخليهم يتراجعوا عنه. ودي صفة مش من السهل توافرها. لكن في نفس الوقت مهمة الأم هي تشجيع الطموح والمثابرة عند النوع ده من الأطفال.

الرغبة في التنبؤ

بالرغم إن أطفال برج الجدي عندهم قدرة على التكييف مع أي وضع إلا إنهم بيرفضوا عدم تقديم تمهيد لده. بمعنى إنهم عشان يقبلوا وضع جديد لازم قبلها يكون عندهم علم بيه عشان يقدروا يخططوا لطريقة تصرفهم. هما أشخاص بتحب التخطيط ومش بتحب المواقف العشوائية. وفي نفس الوقت مش بيقدروا يتفهموا إن فكرة تغير الأمور على عكس توقعهم بدرجة كبيرة، وبيحتاجوا مجهود لتفهم الفكرة دي.

الهدوء

طبعاً دي من أكثر الصفات المحببة للأمهات. نادراً لما نلاقي مولود الجدي في حالة من الغضب. ده لإنهم عندهم قدر كبير من النضج والسلوك الحسن حتى وهما في مرحلة الطفولة.

التفوق من صفات أطفال برج الجدي

دي واحدة من الصفات المشتركة بين أطفال البرج ده. وممكن نقول إن المثابرة والطموح اللي بيتميزوا بيهم هم أكثر الدواعم لفكرة التفوق. كذلك هما بيحبوا يبدأوا المهمات الجديدة بحماسة شديدة جداً، ممكن مع الوقت يصيبهم فتور عشان كده بيحتاجوا للتجديد أو الإلتزام بمهمة جديدة.

يسعون للكمال

واحدة من أهم الصفات التي يعرف بها مواليد الجدي هي السعي إلى الكمال. هذا يجعلهم يسعون دائماً إلى النظام في كل شيء. هم لا يقبلون أن يكون أمامهم بعض الأشياء الناقصة. ربما هذه الصفة من الممكن أن نعتبرها ميزة وعيب في وقت واحد.

العناد الشديد

سوف تشتكي الأمهات كثيراً من هذا الأمر. فأولاد الجدي من الصعب جداً أن يميل رأسهم إلى أمر غير مقتنعين به. إن لديهم طاقة كبيرة من العناد تحتاج إلى طاقة أكبر للتعامل معها بذكاء شديد.

اقرأي ابضا: مجموعة متنوعة من أجمل أسماء البنات ومعانيها