قائمة الأسبوع لأفضل منتجات العناية بطفلك

عالم الطفل عالم مليان بالتفاصيل الدقيقة جداً، عشان كده كل أم محتاجة إنها تعرف إزاي تتعامل مع التفاصيل دي. مش بس كده إنت لازم تختاري كل منتج من منتجات العناية بطفلك بتركيز ودقة وتعرفي ياترى هل المنتج ده مفيد فعلاً ولا مالهوش لازمة. لكن الموضوع مش بيقف لحد هنا، في أمهات كثيرة وخصوصا لو ماما جديدة بتبقى مش عارفة إن في منتجات ممكن توفر عليها كثير لكنها ما تعرفش عنها حاجة. ولأننا دايماً معاكي النهاردة جمعنا في عربة التسوق مجموعة منتجات عشان تقدمي من خلالها أفضل عناية للطفل.

منتجات العناية بالطفل

منتجات العناية بالطفل متنوعة وقائمتها طويلة جداً. كمان في منتجات مخصصة للأطفال الرضع ومنتجات مخصصة للأطفال الأكبر سناً. لكن في كل الأحوال كل مرحلة عمرية هتكوني محتاجة فيها لحماية طفلك وحماية بشرته ونظافته الشخصية. لكن إيه هي المنتجات اللي تقدر تساعدك تعملي ده؟ خلينا نتعرف سوا:-

زيت عناية من سانوسان للبيبهات

أفضل طرق العناية ببشرة الطفل الرضيع هي ترطيبها من خلال الزيوت الطبيعية. وزيت سانوسان بيعتبر من أفضل الزيوت لأنه بيحتوي على مواد طبيعية تماماً زي زيت الزيتون العضوي وزيت اللوز. كذلك الزيت ممكن تستخدمي كدهان يومي بعد الاستحمام وفي نفس الوقت مرطب لمنطقة الحفاضة لتخفيف الالتهاب.

شامبو فوم من مستر بيبى

لو عايزة تضمني أفضل ترطيب وتنظيف لفروة رأس البيبي لحد عمر 6 شهور فشامبو فوم من مستر بيبى هيكون من أفضل الخيارات. ذلك لأنه مكون من مواد شبيهة تماماً بالمواد اللي موجودة في بشرة الطفل وبالتالي بتضمني الترطيب والبعد عن أي حساسية أو تهيج.

كريم حفاضات بأكسيد الزنك والزيوت الطبيعية من ايفا كلينيك

منطقة الحفاضة من أكثر المناطق اللي لازم تهتمي بنظافتها وفي نفس الوقت جفافها والحفاظ على ترطيبها. كذلك لما تختاري كريم العناية لمنطقة الحفاضة من المهم إنه يكون بيحتوي على زيوت طبيعية ومواد تساعد الجلد على التغذية زي أكسيد الزنك. ويعتبر ايفا كلينيك بأكسيد الزنك من أفضل المنتجات للأطفال لحد عمر 6 شهور لأنه بيضمن الحماية والترطيب وبيمنع الالتهاب في نفس الوقت.

كريم زنك و خروع من هيلثبوينت

بالنسبة للأطفال حديثي الولادة فكريم زنك و خروع من هيلثبوينت من أهم المنتجات. ده لأنه بيعمل على تكوين حاجز يمنع حدوث التهاب الحفاضة. كمان تقدري تستخدميه في كل مرة تغيري فيخا الحفاضة لطفلك.

مناديل مبلله لوشن من سانوسان للبيبهات

المناديل المبللة هي أكثر شيء بتستخدميه لتنظيف جلد الطفل خصوصا خارج المنزل. لذلك لازم تحرصي على اختيار الأنواع الخالية من الكحول والعطور أو اللي بتحتوي على مواد تسبب الحساسية. واللي بيخلينا نرشح لك المناديل المبللة لوشن من سانوسان إنها مخصصة للأطفال حديثي الولادة. لذلك هي مصنوعة من أقمشة ناعمة جداً على جلد الرضيع وبتحتوي على مواد خفيفة جداً تحافظ على غلاف بشرة الرضيع وتساعد على تنظيفه في نفس الوقت. كمان بتحتوي على زيت الزيتون اللي بيساعد على ترطيب البشرة وحمايتها من الالتهاب.

للمزيد: قائمة الأسبوع لأفضل منتجات تغذية الطفل.