وفجأة قامت معيطة وقالت “أنا عايزة وقت لنفسي”
عالم الأمومة عالم أشبه بالفقاعة، كإنك بتدخلي دايرة مقفولة عليكي وعلى الأولاد. لكن الهدف من الدوران دايماً بيكون هما مش إنت. لوقت طويل بتفضلي تدوري كثير، لكن فجأة بتسألي سؤال كبير وهو “هو أنا ليه مش لاقية وقت لنفسي ؟”. السؤال ده مش دليل على الأنانية أو إنك أم سيئة. السؤال ده معناه إنك محتاجة توقفي دائرة الأمومة لساعة واحدة وتقعدي مع دائرة الذات..وبعدها هتقدري تكوني أم جيدة جداً وفي نفس الوقت مبسوطة داخلياً جداً برضه.
ليه كل أم محتاجة تقول “أنا عايزة وقت لنفسي”؟
اهتمام الأم بالدفاع عن حقها في وجود وقت شخصي مش دعوة للتخلي على مسؤوليتها. لكن هو طريقة تقدر بيها تحقق التوازن في حياتها. التوزان ده هو المطلوب عشان تقدر تخلي علاقتها بأولادها جيدة جداً وعلاقتها بنفسها. اتأكدي دايماً إن الشعور بالضغط والنرفزة وإن مافيش حد بيفكر فيكي هو أول حاجة ممكن تأثر على أولادك بطريقة سيئة. كذلك الشعور ده بينعكس على تربيتك ليهم بشكل سلبي. لكن مجرد ما تدخلي في قوقعة لمدة ساعة وتخرجي منها في حالة من الهدوء هتقدري تمنحيهم الحب والتربية. طيب آلاقي وقت لنفسي إزاي وسط العالم ده. تعالي نعرف ممكن تعلمي إيه. بس قبل كل حاجة اتأكدي إنك فعلاً مش هتتنازلي عن حقك في وقتك الخاص.
ازاي كل أم تقدر تلاقي وقتها الخاص؟
أول ما هتسمعي فكرة الحصول على وقتك الخاص بالتأكيد هتقولي مشاكل وحجج كثيرة تمنع الحصول عليه. لكن ده مش معناه الاستستلام. الخطوات الجاية هتساعدك تلاقي وقت لنفسك تستمتعس بيه وتجددي طاقتك.
حددي وقت نومك
في أغلب الأحوال الأطفال مش بيناموا غير في الوقت اللي تنامي فيه. وطبعاً مش بيصحوا غير معاكي. لكن ممكن تحطي روتين خاص بيكي إما تصحي قبلهم أو بعدهم بساعة. خلال الوقت ده تقدري تهتمي بنفسك بكل الطرق. أو تقومي بنشاط محدد. في الأول هتلاقي مقاومة خصوصا في الوقت اللي الأطفال فيه بيصحوا خلال الليل كثير. لكن مع تكرار المحاولة هتقدري توصلي.
اقفلي الباب
وده قرار للأمهات اللي أولادها وصلوا لمرحلة يقدروا يقدرو فيها يكونوا مع نفسهم من غير كوارث. ممكن نقول لو أولادك عندهم 8 سنين فما فوق. في الوقت ده محتاجة تكوني صارمة معاهم. وهما محتاجين يفهموا إن طالما باب الغرفة اتقفل فمن مصلحتهم ما يحاولوش مقاطعتك. بعد كده كافئيهم على التزامهم ساعتها هتقدري تسيطري للأبد.
تقليل وقت إعداد الوجبات
تحضير الأكل من أكتر الحاجات اللي بتاخد منكوقت طويل. بس في حلول بسيطة. زي إعداد أكل يكفي يومين. او إعداد وجبتين في نفس الوقت خصوصاً لو تحضيراتهم واحدة. لو اشتريتي الخضار متنضف جاهز مش هتكوني ست مش مسؤولة خالص. لو في يوم قررتي إن الغدا يكون بواقي الثلاجة هتقدري تاخدي ساعة لنفسك وولادك هيفهموا إن الحياة ممكن تمشي بأشياء بسيطة. لذلك خلينا نقول إن كلمة وقت لنفسي مش بس هتفيدك لكنها هتقدر تساعدك في تربية أولادك بشكل أفضل.
تعيين مراقب آخر
هي ممكن تكون مهمة صحبة شوية. لكن اطلبي من جوزك مراقبة الأولاد والتواجد معاهم لمرة واحدة في الأسبوع. هنا تقدري تنزلي أو تخرجي أو ترتاحي. بشرط ما يرجعش في الاتفاق أبداً.
استقطاع الوقت
ساعات بتودي مشاوير زي التمرين أو الدرس. ممكن طالما إن الولاد موجودين داخل حيز آمن إنك تستقطعي وقت انشغالهم التواجد مع نفسك. زي انك تنزلي تشتري حاجة ليكي بس. لو انت محتاجة تغيير جو ممكن تاخدي ساعة داخل مكان بتحبيه. بعد كده ارجعي للعالم بتاعك مرة تانية.
