فرشاة الأسنان الصحية والوقت المناسب لتغييرها

لما تيجي تشتري فرشاة الأسنان لأطفالك يا ترى بتختاريها ازي؟ هل لإن لونها وشكلها عجبوا الأولاد ولا سعرها مناسب ولا بتختاري أي نوع وخلاص؟. لو لسة ما تعرفيش إن اختيار الفرشاة له مجموعة من المعايير المهمة عشان صحة الأسنان يبقى ده الوقت المناسب عشان تعرفي معانا.

اختيار فرشاة الأسنان الصحية والمناسبة للأطفال

عملية اختيار فرشاة مناسبة مش عملية عشوائية إطلاقاً. لأن الفرشاة تعتبر من أهم الأدوات المستخدمة بشكل يومي. غير إنها بتتعامل مع أسنان الطفل في مرحلة هامة جداً، وده يخلينا نفكر ألف مرة قبل ما الحصول على نوع غير مناسب وغير صحي. عشان كده لازم نتأكد من الـ 3 حاجات دول:-

تطابق الفرشاة مع فم الطفل

مش كل الأحجام مناسبة لكل الأعمار، دي القاعدة الأولى. لازم يكون في تطابق بين حجم الفم وحجم الفرشاة. لأنها لو كانت كبيرة الحجم وفم الطفل صغير مش هتقدر إنها توصل للاماكن الدقيقة خصوصاً خلف الضروس. ولو كان حجمها أصغر من فم الطفل فهي مش هتكون قادرة على تنظيف كل المساحات بالكامل.

لأم نتأكد إن حجم الفرشاة يقدر يوصل لكل مكان حول الأسنان داخل الفم ويقوم بتنظيفه بشكل جيد.

واحنا بنختار فرشاة الأطفال اللي بتعمل عن طريق الكهرباء لازم نراعي المعايير الخاصة بالحجم. ونقطة مهمة جداً لازم نتأكد منها وهي إن الفرشاة لو كانت للأطفال في عمر مبكر جداً فلازم تكون ناعمة ومقبضها سهل الحمل وخفيف.

اختيار فرشاة أكثر نعومة

يفضل مع الأطفال اختيار الفرشاة المميزة بالنعومة. لأن الأطفال بيستخدموا الفرشاة بسرعة ومن الممكن مع تكرار عملية غسيل الأسنان والضغط بفرشاة خشنة يؤدي لحساسية الأسنان أو جرحها. وكده يكون أفضل ضمان صحي هو الحصول على الأنواع المحتوية على شعيرات ناعمة.

فرشاة كهربائية أم يدوية؟

أطفال كثير تفضل استخدام الفرشاة الكهربائية، وهي تعتبر الأفضل خصوصاً للحركة الدائرية. لكن لو بعدنا عن تفضيل الأطفال ففي حالة وجود تقويم الأسنان هنلاقي إن الفرشاة الكهربائية هي الخيار الأفضل، وده لأن حركتها الدائرية بتقدر تعمل على تنظيف الأسنان بشكل أفضل وخصوصاً حول أسلاك التقويم.

امتى لازم نغير الفرشاة الخاصة بالطفل ؟

للأسف كثير مننا ما يعرفش إن تغيير فرشاة الأطفال الخاصة بالأسنان بشكل دوري له عامل كبير في حماية صحة الأسنان، لكن امتى من المهم إننا نستبدل الفرشاة؟ في الأوقات التالية:-

بالنسبة لأطباء الأسنان دائماً نصيحتهم هي تغيير الفرشاة كل ثلاثة أشهر. لكن في حالة تآكل شعيراتها قبل الوقت ده فمن المهم إننا نحصل على واحدة جديدة، لأن الشعيرات المتآكلة لا تساعد على تنظيف الأسنان بشكل جيد. ومن المهم نوضح إن الأطفال بيحتاجوا لتغيير الفرشاة أكثر من البالغين، لأنها في حالتهم بتتآكل بشكل أسرع.

سبب ثاني مهم عشان نغير الفرشاة وهو تعرض الطفل لأي من الأمراض زي الأنفلونزا أو التهاب الحلق. وده عامل وقائي من الإصابة بالفيروس مرة أخرى أو انتقاله لأي من أفراد الأسرة بشكل خاطئ.

ازي نحفظ فرشاة الأسنان بالطريقة السليمة؟

الفرشاة المخصصة لأداة شخصية جداً ومصدر مهم لنقل العدوى. وده يخلي الاهتمام بطريقة تنظيفها وحفظها من أكثر الأشياء المهم العناية بها. أما طريقة حفظ الفرشاة بشكل صحيح فممكن تكون من خلال نقط بسيطة للغاية زي.

• أولاً من المهم التأكد من تجفيف الفرشاة بشكل جيد قبل تخزينها، وإنها ما تكونش مبللة.
• اختيار حوافظ  الفرش الفردية. وده بيساعد على عدم احتكاك فرش الأسنان المختلفة مع بعضها ووسيلة جيدة للوقاية من العدوى.
• التأكد من نظافة المكان المخصص لحفظ الفرشاة.
• عدم لمس رأس الفرشاة بعد استخدامها.

للمزيد: كيف نشجع أولادنا على الاهتمام بصحة الأسنان؟