5حاجات خلت الغزالة رايقة مش بتروح من دماغنا

بالرغم من إن 2021 كانت من السنوات المتعبة إلا إنها قررت ما ترحلش إلا وهي سايبة لنا قليل من البهجة. البهجة اللي شعرنا بيها في أغنية الغزالة رايقة وهي الأغنية الرسمية لفيلم من أجل زيكو اللي هيبدأ عرضه في السينمات في يوم 5 يناير 2022. لكن إيه اللي في الأغنية دي خلاها تقدر تقتحم عالمنا ونفضل نرددها طول الوقت. ده غير إنها لحد دلوقتي تعدت الـ 8 مليون مشاهدة؟ أكيد في حاجات كتيرة. لذلك تعالوا نفكر فيها سوا.

5 أسباب تخلينا تسمع الغزالة رايقة 

الأغنية مبهجة لدرجة كبيرة

كلنا خارجين من 2021 وكأننا خارجين من حرب. ظروف عالمية غريبة ووباء وارتفاع اسعار وظواهر خلت مزاجنا سيء جدا. لذلك كلنا كنا مشتاقين لأي نوع من أنواع البهجة الحقيقية. لكن القدر ساعدنا ومنحنا أغنية كل ما فيها مبهج من أول الكلمات لحد الألحان والأداء. وفعلا قدرنا نسمعها ونحس بإن الغزالة رايقة فعلا بالرغم من دوشة الواقع.

طلة الطفل يوسف صلاح

جزء كبير من نجاح الأغنية يرجع للطفل يوسف صلاح بالرغم من إنه مش الغني لها. لكن في نفس الوقت طلته في المشهد الغنائي مع شكله البريء والهادي قدر فعلا إنه يمهد لنا إننا هنسمع شيء يسعدنا بجد.

صوت الطفل محمد أسامة

الطفل محمد أسامة هو المؤدي للأغنية. كذلك فهو له فضل كبير في نجاح الأغنية نظرا لطبقة صوته القوية اللي قادرة فعلا تحسسنا بحلاوة الحياة. الطفل أدى الأغنية بمنتهي الروعة والإحساس وقدر يضفي عليها سعادة وصفاء تخلي أي حد يسمعها ينسى الأحزان وينبسط لوقت طويل.

منة شلبي وتشجيع لا ينتهي

من أكتر الحاجات اللي بتبهرني شخصيا أداء منة شلبي في مشهد الأغنية بالرغم من إنها مش بتغني. لكن منة شلبي ظهرت في شكل أم بتساند ابنها بكل قوتها وحماسها وبسطاتها. علشان كده لوقت طويل كنا قادرين نصدق إن منة شلبي هي الأم الحقيقية لزيكو وإنها وراه في مشواره للآخر. وكل أم فينا أكيد لها رحلة طويلة مع أولادها ولها لحظة بتشاركهم فيها نجاحهم بنفس حماس منة شلبي.

أمنيات وأحلام وكلام جميل

مين مننا ينكر إنه نفسه في مزاج غزالته رايقة طول الوقت؟ أكيد كلنا بنتمنى التخلص من ضغط الحياة والعيشة بروقان. لكن الرائع فعلا إن الأغنية قدرت توصلنا لمرحلة من السعادة بكلام جميل من غير إسفاف أو كلام بذيء. الأغنية ممكن نغنيها مع الأولاد ويغنوها معانا من غير ما نحس إن فيها أي محتوى مؤذي أو غير مناسب.

خفة دم غير منتهية

نقدر نقول إن خفة الدم هي أهم تفصيلة في الأغنية. ودي بتظهر في اللحن الخفيف على الودن والقلب وبالتالي قدر إنه يتفاعل معانا بسرعة. غير خفة الدم التلقائية لكل الأبطال الصغيرين أو الكبار. وده كان في حد ذاته جزء كبير ساعد في انتشار الأغنية لأننا كلنا في حاجة لخفة الدم البعيدة عن الاصطناع والتكلف.

في النهاية الغزالة رايقة كانت فعلا هدية جميلة ننهي بيها 2012 ونتمنى في السنة الجديدة إن كل الأغاني تقدر فعلا تجمع كل الحاجات الحلوة وتقدم للناس نوع من الفن قادر يساعدهم على القليل من السعادة في وسط العالم الحالي.

للمزيد: بالخطوات كيفية الحصول على الرقم القومي للطفل.