قبل ما تشتري مخدة الحمل اعرفي ازي تختاري الأفضل؟

عشان ترتاحي طوال فترة الحمل محتاجة إنك تحصلي على أكبر قدر من النوم. لكن كلنا عارفين إن خلال فترة الحمل النوم بيكون حلم مستحيل. لأن مع زيادة حجم الجنين بيكون من الصعب على الأم إنها تتحرك بحرية ده غير مشاكل الأرق اللي بتسببها الهرمونات. لكن في طريقة ممكن تساعدك على النوم الصحي وهي شراء مخدة الحمل. لكن قبل ما تشتري مخدة الحمل خلينا نساعدك تتعرفي على أفضل الأنواع وازاي تختاري النوع المناسب ليكي.

قبل ما تشتري مخدة الحمل إتعرفي على أنواعها

في أنواع كثيرة من مخدات الحمل. وكل نوع له مجموعة من المميزات المختلفة. عشان كده من المهم قبل ما تشتري مخدة الحمل تتعرفي على أهم الأنواع الموجودة في الأسواق. ومنها:-

وسادة الحمل الجانبية

أهم ميزة هتلاقيها في النوع ده من مخدات الحمل إنها صالحة للاستخدام أثناء الحمل وبعد الولادة. وهي مصممة بطريقة تساعدها على تقديم الدعم لمنطقة الظهر ومنطقة البطن. وممكن تستخدميها بعد الولادة لإنها هتكون مريحة جداً.

مخدة الحمل على شكل U

تعتبر من أفضل الأنواع لأنها بتوفر الدعم الكامل للظهر والبطن خلال النوم. كذلك هي بتدعم حركتك خلال التقلب أثناء النوم. كمان هي بتقدم الدعم للساقين والرقبة. لكن مشكلتها إن حجمها كبير وبيبقى صعب تخزينها بعد الولادة.

مخدة الحمل شكل حرف C

وسادة الحمل التي لها شكل حرف C مصممة بطريقة تساعد على دعم الجسم بأكلمه. لذلك هي تقدر تحل محل باقي الوسائد المتواجدة على سريرك. المخدة مصممة بحيث تسهل النوم سواء على الجنب أو الظهر. كذلك هي تقدر تدعم منطقة الرقبة والبطن والظهر والساقين والذراعين وبالتالي هتكون خيار للكثير من السيدات الحوامل. وبالرغم إن المخدة حجمها كبير إلا أن في أنواع منها من السهل طيها وتخزينها عشان تقدري تتحركي بيها أو تستخدميها أثناء السفر.

الوسادة على شكل الوتد “المدمجة”

من ضمن الأنواع صغيرة الحجم هتلاقي وسادة لها شكل الوتد ودي اسمها مخدة الحمل المدمجة. أهم ميزة فيها إنها مصممة لتقديم الدعم لمنطقة البطن. لكن ممكن تحتاجي لوسادات عادية لدعم منطقة الساقين والذراعين. ولأنها صغيرة الحجم ممكن تستخدمي مخدات عادية بجانبها.

وسادة الحمل الطويلة

من الأنواع المفيدة برضه بعد الحمل. الوسادة على شكل عمود طويل لكن من الممكن طيه لأشكال مختلفة. هي مناسبة لتقديم الدعم أثناء النوم في فترة الحمل. لكن بعد الولادة ممكن تستخدميها بأشكال كثيرة سواء لنوم الطفل أو تستخدميها كمخدة للرضاعة. وكده هتكون من الأنواع الموفرة جداً.

إزاي تشتري وسادة الحمل الأفضل

قبل ما تشتري مخدة الحمل من خلال تفضيل الأشكال اللي فاتت من المهم إنك تحرصي على نقاط أساسية. لذلك تأكدي من توفر المواصفات الآتية:-

• من المهم إن المخدة تكون مصنوعة من قماش ناعم عشان تكون مريحة. لكن الأقمشة الصناعية ممكن تتسبب ارتفاع في درجة حرارة جسمك. كذلك هتكون غير مريحة تماماً.
• دوري على مخدة الحمل اللي معاها غطاء قابل للغسل لسهولة تنظيفها.
• حاولي تجربي أنواع مختلفة من المخدات الموجودة عند الصديقات عشان تعرفي أفضل نوع مناسب ليكي.
• تعتبر المخدات متعددة الاستخدامات موفرة ليكي خلال الحمل وبعد الولادة.
• إذا حصلتي على نوع غير قادر على توفير الراحة من الضروري تغييره والحصول على نوع مريح.
• ابحثي عن الأنواع اللي حصلت على تقيمات جيدة. وأسألي الأمهات عن تجاربهم مع الأنواع المختلفة عشان تحددث الأفضل.
• من المهم عدم المبالغة في شراء مخدة غالية جداً لأنها هتستخدم لفترة قصيرة.
• اقرأي المصلق الخاص بالمخدة وتأكدي من إن كل مكوناتها صحية تماماً.

للمزيد: نوم الحامل وأهمية وسادة الحمل

.