دليل الأم العاملة علشان ترتاح في الصيف
كل أم بتعمل عارفة إن وقت الشتا أخف من وقت الصيف، لأن الأطفال معظم الوقت في المدرسة، وبعد المدرسة بيبدأ وقت المذاكرة. لكن أول ما يجي الصيف فده معناه وقت اللعب، والخناقات بين الإخوات على اللعب، ووقت زيادة التمارين بجانب مسؤوليتك في البيت. علشان النهاردة جبنالك دليل الأم العاملة علشان تنظمي وقتك وتهتمي بنفسك وأولادك بأقل مجهود.
ازاي تنظمي وقتك
أهم حاجة لنجاح الأم العاملة في مهماتها هو تنظيم وقتها بشكل جيد. لأن التنظيم هيساعدك تنجزي كل المهمات بسرعة، وكمان هيقلل المجهود. علشان كده ابدأي يومك بالخطوات دي.
- اصحي قبل الجميع بنصف ساعة.
- احصلي على حمام ساخن وكوب من مشروبك المفضل واسمعي أو اقري أكتر شيء بتحبيه.
- جهزي دفتر المهام واكتبي كل الحاجات اللي مطلوب عملها خلال اليوم ورتبيها على حسب الأولوية.
بمجرد ما تنتهي من معرفة المطلوب منك كامرأة عاملة وكأم طوال النهار فانت كده على أول الطريق.
اقرأي أيضا: بالصور..افكار عبايات صيفي اختاري المناسب ليكي
توفير المجهود
النقطة الأساسية اللي لازم كل أم تهتم بيها هي ازي توفر مجهودها، لأن ما تحافظي على طاقتك سليمة كل ما تقدري إنك تواصلي نشاطك بصورة أفضل وتنجحي في مهتمك كزوجة وأم. وتوفير المجهود ممكن يتم من خلال ما يلي:-
الاعتماد على خدمات الأون لاين
خدمات الأون لاين هي أفضل شيء تم اختراعه في عصرنا الحالي. علشان كده استخدامه في كل المجالات هيساعدك توفري مجهودك. وممكن من خلال الخدمات الأون لان تعملي كل الحاجات الجاية:-
- تخليص أي أوراق حكومية في دقائق.
- اشتري كل متطلبات البيت من أقرب سوبر ماركت أو أكثر سوبر ماركت بيقدم عروض توفير مميزة.
- لو الأطفال محتاجين ملابس أو أدوات عناية أو ألعاب تقدري تجمعيها في قائمة واحدة وتحصلي عليها من خلال أي موقع بيقدم لك عروض أو منتجات إنت محتاجاها.
تجهيز الأكل الأسبوعي
ودي الخطوة التانية المهمة لكل ام عاملة. وهي تجهيز الأكل وهنا تقدري تعملي الخطوات الجاية علشان توفري أكتر وقت.
- اعملي وجبة لأكتر من يوم خصوصا لو جبة خضروات أو طبيخ.
- تبلي الفراخ اللي هتستخدميها خلال الأسبوع واللحمة أو الأسماك في نفس الوقت وشيليها في الفريزر.
- اشتري الخضروات المقطعة والمنظفة لأنها هتوفر لك وقت كبير ومجهود أكبر.
- شيلي الخضروات والفواكه بعد غسلها علشان ما تكونيش في حاجة لغسلها كل مرة.
تنظيف البيت
ودي المهمة الكبيرة أو المهمة المستحيلة. لكن لو كنت منظمة كفاية فأكيد مافيش مستحيل. تقدري تحافظي على البيت نضيف لأطول وقت من خلال الخطوات دي.
- ضعي قواعد صارمة للأولاد بإن كل الادوات الخاصة بيهم ما تخرجش من غرفهم.
- لازم الأولاد يكونوا جزء من نظام البيت، وكل حد يكون له مهمة محددة على حسب فئته العمرية. كذلك ما تكونيش انت المسؤولة عن كل حاجة، من المهم أنهم يتعودوا على تنظيف البيت، وتنظيم السفرة وتنظيفها بعد الطعام وتنظيف أدواتهم.
- اهتمي بالحاجات الأساسية زي تنظيف السجاد بالمكنسة الكهربائية يوميا، والتخلص من بواقي الطعام في الثلاجة. كذلك تنظيف الحمام وده ممكن يكون سريع وبشكل يومي، وتخلي أولادك مسؤولين عن تنظيفه.
اهتمي بنفسك
معظم الأمهات بتحط خطة للاهتمام بالبيت والأولاد وتنسى الاهتمام بنفسها. وده بيخلي الأم العاملة تحس بمجهود مضاعف. علشان كده حاولي تقومي بالخطوات الجاية.
- خلال وجود الأطفال في التمارين او انشغالهم خذي بريك لمدة نص ساعة مارسي فيه هوايتك المفضلة أو اقعدي من غير ما تعملي أي نشاط. خصوصا لو الأطفال كبار ويقدروا يعتمدوا على نفسهم.
- اطلبي من زوجك خلال فترة تواجده إنه يقوم ببعض المهام مع الأولاد وانت تحصلي على قيلولة.
- لازم تهتمي بشرب المياه لأنها بتساعدك على تجديد نشاطك. كمان التغذية السليمة مهمة للغاية.
- خصصي وقت للعب مع أولادك ومشاركتهم أفكارهم ومشاكلهم، وما تكونيش إنت حلالة المشاكل. لكن ساعديهم يلاقوا طريقتهم الخاصة بحلها.
- كوني صارمة في الحاجات اللي لها علاقة بوقت النوم وتنظيم البيت والاهتمام بالملابس بعد التمرين أو قابله. ما تحاوليش إنك تكوني الأم والمدربة والمسؤولة عن التحضير. لأن الأطفال بيلعبوا رياضة علشان يكونوا مسؤولين عن نفسهم مش علشان تزيد مهامك. لذلك لو كان سنهم كبير فهما يقدروا يعتمدوا على نفسهم في تحضير ملابسهم ومتابعة مستلزماتهم.
للمزيد: رقص زومبا ساهل جدا بأفضل 10 أغاني.
