بالصور تعرفي على كيفية ترتيب غرفة الأطفال من غير تعب

ترتيب غرفة الأطفال

يا ترى إيه هي المهمة المستحيلة اللي بتواجهها كل أم؟ في صوت واحد حنسمع كلمة واحدة وهي “ترتيب غرفة الأطفال”. بالتأكيد الغرفة دي تعتبر من أكثر الأماكن الفوضوية في البيت. كلها كتب وملابس ولعب وكراكيب مالهاش حل. عشان كده مجرد تفكيرك في تنظيمها بيكون مرهق لوحده. إزاي بطريقة ذكية تحافظي على نظام الغرفة وتخليها مرتبة دايماً؟ تعالي نشوف الأفكار الجاية.

الخطط الأساسية لـ ترتيب غرفة الأطفال

قبل أي حاجة في مجموعة من الحاجات اللي لو عملتيها هتضمني إن ترتيب غرفة الأطفال يفضل مستمر لأطول وقت ممكن. نقدر نقول إننا هنحضر خطة مبدأية تساعدنا في المهمة. وأهم مراحل الخطة دي كالآتي:-

التخلص من الملابس غير المستعملة

الملابس غير المستعملة هي جزء كبير من الفوضى في كل غرف الأطفال. لذلك أهم خطوة هي التخلص من كل الملابس غير المستعملة. ابدأي ترتيب الغرفة بالبحث عن الملابس دي وإما إنك تتبرعي بيها إذا كانت ما زالت صالحة للاستخدام. وممكن بيعها أو استبدالها بمنتجات ثانية. لكن أهم حاجة هي وجود مبدأ التخلص من الأشياء غير المستخدمة.

ترتيب الألعاب

تعتبر الألعاب من المشكلات الكبيرة المسببة للفوضى. لكن في نفس الوقت بيكون التخلص منها صعب. عشان كده من المهم إن كل فترة تبدأي في التخلص من الألعاب الغير صالحة والمكسورة. أما الألعاب غير المستخدمة فمن الأفضل التبرع بها. لكن في ألعاب صعب إننا نتخلص منها لأن الطفل بيكون مرتبط نفسياً بيها. هنا بيكون من الأفضل إننا نخزنها في مكان يقلل من الفوضى.

ترتيب الكتب

مع بداية العام الدراسي الكتب بتتحول لمشكلة كبيرة داخل غرفة الأطفال. وطبعا المشكلة بتتفاقم مع وجود أكثر من طفل وأكثر من نوع من الكتب. من المهم توفير مساحة كافية للكتب في الغرفة. لكن لو كانت المساحة غير كافية فمن الأفضل التخلص من الكتب القديمة قبل اقتناء مجموعة جديدة.

التخلص من الأوراق

كل غرف الأطفال بتحتوي على كمية خرافية من الأوراق المستخدمة. ومع الوقت بيكون من الصعب التخلص من الأوراق دي. كإننا بنخاف نرمي الورق المستخدم بالرغم إنه غير مهم. لكن في قاعدة نفسية عند كل أم وهي إن أكيد كل الأوراق هتنفع ولها فايدة. لذلك عشان تحتفظي بترتيب الغرفة لأطول وقت ممكن من الأفضل إن كل إجازة تطلبي من الأطفال تجميع الأوراق غير الضرورية والمستخدمة والتخلص منها. وبكدة هتوفري مساحة كبيرة على المكتب والأركان وفي كل جزء من أجزاء الغرفة.

أفكار بسيطة للتخزين لـ ترتيب غرفة الأطفال

طبعاً محتويات غرفة الأطفال من دولاب ومكاتب بتكون غير كافية لتخزين الأشياء الخاصة بهم. وكذلك الأطفال دايما بيفضلوا استخدام الأشياء القريبة منهم. طب الحل؟ الحل إننا نوفر لهم مساحات تخزين قريبة وفي نفس الوقت تكلفتها قليلة. ودلوقتي حنشوف مجموعة بسيطة من الأمثلة على مساحات التخزين دي.

سلة من القماش

ضعي سلة من القماش في نهاية كل سرير من أجل تخزين الألعاب المحشوة والعرائس الصغيرة.

استخدام الصناديق القديمة

احصلي على بعض الصناديق القديمة وقومي بترتيبها بالطريقة الموجودة في الصور. واستخدميها لتخزين الألعاب أو الكتب.

ترتيب الأرفف

إذا كان لديك مجموعة من الأرفف قومي بوضع بعض السلال لتخصيص كل رف لنوع معين من الأدوات. مثلاً ضعي في الرف  العلوي ألعاب الطاولة ، والرف الثاني للكتب ، والرف السفلي للمستلزمات الحرفية والآلات الموسيقية.

الأرفف الموزعة على الحائط

هذا الحل مثالي خاصة في الغرف الصغيرة. إذا لم يكن لديك مساحات تخزين كافية استخدمي بعض الأرفف ووزعيها بطريقة منظمة أو عشوائية على الحائط. من الممكن استخدامها لتخزين الكتب والأدوات المكتبية والألعاب أيضاً.

الشماعات المعلقة على الحائط

ترتيب غرفة الأطفال

أيضاً من الممكن توفير مساحات لتعليق الكثير من الأدوات والصناديق من خلال استخدام الشماعات التي يتم تعليقها على الحائط بالصورة الموجودة في الشكل.

اقرأي أيضا: التغلب على 3 من أكثر مشكلات تنظيف المنزل