![قصات شعر](https://blog.thebabygarage.com/wp-content/uploads/2022/04/قصات-شعر-للأطفال-780x470.jpg)
قصات شعر للأولاد وكيفية قصر شعرهم في المنزل بالصور
العناية بشعر الأولاد مهمة جداً زي العناية بشعر البنات بالظبط. وكل أم بتفرح لما بتشوف ابنها الصغير شكله جميل وكمان شعره صحي. علشان النهاردة هنشوف سوا أفضل قصات شعر للأولاد في 2022. لكن في الأول تعالي نتعرف على طريقة قص الشعر في البيت، بعد كده نعرف أهم خطوات العناية بشعر ابنك.
كيفية قص شعر الأولاد في المنزل
قص شعر الأولاد في البيت عملية سهلة جداً، ومع الوقت هتكوني محترفة فيها تماماً. كذلك تقدري تشوفي فيديوهات كثيرة على الإنترنت تساعدك على إنك تعملي لطفلك قصات مختلفة. ودلوقتي هتعرفي بالصور إزاي تقصي شعر طفلك خطوة بخطوة.
الخطوة الأولى
استخدمي ماكينة قص الشعر ويفضل انك تستخدمي المقص درجة 2 أو درجة 2. ابدأي من العنق ولحد منتصف الجزء الخلفي من الرأس وكملي لحد منطقة الصدغ. من المهم الحرص على أنك تمشي بخطوات مستقيمة عن طريق تثبيت الماكينة بزاوية 90 درجة وامشي بيها بخط مستقيم على الرأس.
الخطوة الثانية
باستخدام المشط وبداية من التاج خذي جزء من الشعر بين صوابعك واسحبيه لأعلى وقصي على حسب الطول المناسب. كذلك لاحظي إنك هتخلي الجزء المقصوص هو دليلك علشان تكملي باقي الشعر نفس المقاس. وكملي بنفس الطريقة لكل الشعر.
الخطوة الثالثة
الخطوة الثالثة هي إنك تبدأي تمزجي الشعر الطويل أعلى الرأس مع الشعر القصير أسفل الرأس. وعلشان تعملي ده امسكي جزء من الأطراف العلوية مع جزء من الأطراف السفلية وابدأي بقصهم عن طريق زاوية مايلة وقصي بشكل تدريجي من الشعر الطويل للقصير.
الخطوة الرابعة
انظري إلى خصلات الشعر الأمامة وتأكدي أن شكلها مناسب، بعد ذلك قومي بسحبها للأعلى وقصيها بشكل عمودي لكي تظهر بملمس ناعم.
الخطوة الخامسة
استخدمي المقص للتأكد من أن الشعر متساوي عند منطقة الأذن. كذلك من الممكن استخدام الماكينة لتسويته.
صور قصات شعر للأولاد
من الممكن اختيار قصات شعر متعددة ومناسبة للأولاد على حسب تفضيلهم. لكن في نفس الوقت من المهم إنك تختاري قصات الشعر المناسبة لشكل الوجه وشكل الشعر كمان.
نصائح للعناية بشعر الأولاد
العناية بشعر الأولاد ما يختلفش عن العناية بشعر البنات بدرجة كبيرة. لأن الشعر في كل الأحوال بيتأثر بعوامل أساسية وهي التغذية السليمة والحالة النفسية والعوامل الوراثية، بالإضافة لعوامل خارجية زي الحرارة والجو والرطوبة. لذلك شعر طفلك بيحتاج دايماً إنك تراعياه بوسائل كثيرة جداً. ومن ضمنها.
استخدام شامبو لطيف على الشعر
من المهم إن فروة الرأس تكون نظيفة تماماً. لأن تراكم الأوساخ والدهون على فروة الرأس ممكن يؤدي إلى تقليل نمو الشعر أو سرعة تقصفه. كذلك ممكن يؤدي لانسداد مسام الشعر وظهور القشرة والالتهابات. لكن في نفس الوقت من المهم إنك تستخدمي شامبو لطيف وخالي من السلفات لتنظيف فروة الرأس.
المحافظة على ترطيب الشعر
جفاف الشعر من أكثر الأسباب اللي بتؤدي لتقصفه ونموه بشكل غير صحي. لذلك اهتمي دائماً بالحفاظ على رطوبة شعر ابنك من خلال استخدام الكريمات المرطبة.
تجنب الحرارة
علشان تحافظي على شعر طفلك صحي لازم تتجنبي تعريضه لدرجات الحرارة المرتفعة. لذلك اتأكدي من درجة حرارة ماء الاستحمام وكذلك تقليل تعريض الشعر للمجفف.
فك التشابك
في حالة لو كان ابنك له شعر طويل فمن المهم أنك تستخدمي فرشاة ناعمة مخصصة لفك التشابك. وابدأي بفك التشابك من أسفل خصلات الشعر لأعلى، وتجنبي تصفيف الشعر من أعلى فروة الرأس لأسفل لأن ده بيزيد من التقصف. كذلك من المهم انك تستخدمي مشط واسع الأسنان لتصفيف الشعر.
للمزيد: وصفات طبيعية للتخلص من القمل بشكل نهائي
خطوات تعليم الطفل العناية بشعره
ومع الوقت بيبدأ الولد يكبر ولازم يتعود ياخد حمامه بنفسه. علشان كده من المهم انك تبدأي تعلميه خطوات العناية بشعره لوحده ومن غير مساعدة. لذلك عودي ابنك على الخطوات الجاية
- في البداية وضع الماء الدافئ أو الفاتر على الشعر قبل الشامبو.
- وضع قطرات قليلة من الشامبو في راحة اليد علشان يكون من السهل عليه وضعه على شعره.
- علمي طفلك كيفية تدليك فروة رأسه بلطف عن طريق الشامبو علشان يتخلص من الدهون والأوساخ. ولاحظي إنه محتاج يعرف إن الشامبو بيتم وضعه على فروة الرأس من خصلات الشعر عشان يضمن نظافتها بشكل أفضل.
- شطف الشعر بشكل جيد والتأكد من عدم وجود آثار للشامبو أو الرغوة.
- لف الشعر بمنشفة وتجفيفه بشكل لطيف. لأن تجفيف الشعر بشكل كافي يؤدي إلى تقصفه.
- تمشيط الشعر برفق واستخدام مشط واسع الأسنان.
اقرأي أيضا: أهم 3 خطوات لتأديب الطفل المهمل
.