ازاي تشتري ألعاب التسنين؟ وطرق مختلفة لتقليل الألم

مرحلة التسنين من أهم المراحل في عمر الطفل. أما ألعاب التسنين فهي الألعاب اللي ممكن تساعده على تحمل المشكلات اللي بتحصل في الفترة. وقبل ما نعرف إيه هي الألعاب وأهم المواصفات الخاصة بها. من المهم أنك تعرفي شوية معلومات مهمة عن فترة طلوع الأسنان في حياة الطفل.

بداية التسنين وعلاماته

بداية ظهور الأسنان عند الأطفال بتكون في عمر 6 شهور تقريباً. وفي الوقت ده في أعراض كثيرة الطفل بيحس بيها نتيجة تغيرات كثيرة، وأهم أعراض وعلامات التسنين كالآتي:-

• البكاء بشكل مستمر.
• الطفل يبدأ مرحلة العض، وبيكون غرضه الأساسي الضغط على اللثة.
• السعال وعدم وجود شهية للأكل.
• فرك الخد وشد الأذن.
• الاستيقاظ بشكل متكرر أثناء الليل مع البكاء.
• سيلان اللعاب.

كل دي أعراض التسنين الأولية. ولما بتبدأ كل أم بتحاول إنها تساعد ابنها بكل الطرق الممكنة. ومنها استخدام ألعاب التسنين.

ايه المقصود بألعاب التسنين؟

هي مجموعة من الأدوات المصنوعة بطريقة صحية بتوفر للطفل عملية مضغ آمنة، عشان تقلل من ألم التسنين في المرحلة دي. لكن هل أي أدوات ينفع نشتريها؟ أكيد لأ في مواصفات لازم تتأكدي منها.

مواصفات ألعاب التسنين الصحية

• أولاً من المهم إنها تكون مصنوعة من أدوات صحية تماماً زي السيليكون. وغير مطلية بأي طلاء يؤدي للضرر.
• الابتعاد عن الألعاب المصنوعة من العنبر لأنها ممكن تسبب الاختناق للطفل. كذلك الألعاب المحتوية على أعشاب للتهدئة.
• اختاري الألعاب اللي من السهل تنظيفها. لأن الألعاب صعبة التنظيف بتوفر بيئة صالحة لنمو البكتيريا.
• من أهم المواد اللي من المهم تجنبها في ألعاب التسنين مواد زي البنزوكائين وده يعتبر من المواد المخدرة الموضعية، أو مادة البلادونا لأنها من المواد المحظور استخدامها.

للمزيد: اختيار فرشاة الأسنان الصحية والوقت المناسب لتغييرها

طرق مختلفة لتخفيف ألم بداية ظهور الأسنان

بالإضافة لاستخدام ألعاب التسنين المختلفة في طرق مختلفة ممكن تقلل الألم، ومنها:-

• ممكن نقوم بتدليك اللثة بقطعة نظيفة من القماش بطريقة لطيفة.
• جهزي قماشة نظيفة وبرديها في الثلاجة وأعطيها للطفل عشان يضغط عليها، الطريقة دي فعالة للغاية في تهدئة ألم اللثة.
• لو كان الطفل بدأ في الحصول على الأطعمة الصلبة ممكن تبردي بعض المأكولات زي التفاح أو العصير، تناول الطفل للطعام البارد فعال في الشعور بالراحة.
• إذا كان الطفل في عمر يتراوح من 8 أشهر وحتى 12 شهر ممكن نقدم له بسكويت التسنين.
• كل ما يزيد عدد الأسنان ممكن نستخدم فرشاة الأسنان المخصصة للأطفال الرضع، لأنها تمنع نمو البكتيريا، وتقلل من الألم في حالة ظهور الأسنان الجديدة.

اقرأي أيضا: كيف نشجع أولادنا على الاهتمام بصحة الأسنان؟