ازاي تقضي أول يوم رمضان بصحة ونشاط
وأخيراً بدأ شهر الصوم. وطبعاً عارفين كل الأمهات هتكون فين وبتعمل إيه. لكن حتى لو أسرتك هتاخد كل الوقت فإنت برضهأو محتاجة حاجات كثيرة. ولأن الصيام مع الشغل مع مسئولية البيت بيخليكي تشعري بإرهاق شديد وكسل النهاردة هنقولك إزاي تبدأي عادات تساعدك على النشاط والحيوية خلال شهر رمضان بالكامل. لكن لازم تبدأي من أول يوم.
عادات مهمة من أول يوم رمضان
حاجات كثيرة ومشاكل ممكن تواجهيها في أول يوم رمضان. زي الصداع أو الشعور بالكسل والإجهاد. لكن ممكن تتخلصي من الحاجات دي بعادات بسيطة.
التخلص من الصداع في أول يوم رمضان
- بعد الإفطار وأثناء السحور احصلي على أكبر كمية من الماء. لأن الماء والسوائل اللي بيفقدها الجسم خلال فترة الصيام تعتبر من أهم أسباب الصداع. لكن لو قدرتي إنك ترطبي جسمك خلال فترة الإفطار الصداع هيقل تماماً.
- بعد الإفطار احذري من الأكل بكميات كبيرة. لإن المعدة هتبدأ تهضم الأكل ده وبالتالي الدم هيتجه ليها وهتقل نسبة الأكسجين اللي بتوصل للمخ. لذلك احصلي على نسبة معتدلة جداً من الطعام. وممكن في البداية تتناول التمر والشوربة وبعد وقت تبدأي في وجبتك.
- طبعاً عارفين إن القهوة والشاي من أهم الحاجات اللي هتدوري عليهم. لكن الحصول على مشروبات بتحتوي على كافيين بنسبة كبيرة من أهم أسباب الصداع خلال رمضان. لذلك قللي الكمية بشكل تدريجي.
التخلص من التوتر والعصبية
التوتر والعصبية لهم أسباب كثيرة. لكن لو عرفتي الأسباب هتقدري تتخلصي منهم بكل سهولة.
- السهر الطويل في ليالي رمضان يعتبر من أهم أسباب التوتر. لأنك مش بتقدري تاخدي كفايتك من النوم وبالتالي مش بيكون عندك القدرة على التركيز والهدوء. لذلك من المهم إنك تنامي بدري وتتخلي عن أحلامك لمتابعة كل مسلسلات رمضان.
- زي ما قلنا في النقطة السابقة إنك لازم تقللي من المشروبات اللي بتحتوي على الكافيين.
اتخلصي من العادات السيئة
يا ترى في كان نوع أكل بتعمليه على الفطار؟ لو انت من الأمهات اللي بتعمل أصناف كثيرة فده معناه إنك هتقضي شهر في حالة من الإجهاد والتعب. لكن لو قررتي إنك تعملي أكل زي أي يوم عادي وتقللي من الحلويات اليومية فده معناه إنك هتوفري الوقت اللي بتقضيه في المطبخ وهتقضي الشهر وانت ملتزمة بنمط حياة صحي تماماً.
أخيراً
واخيراً نحب نقول لكل الأمهات كل سنة وأنتم طيبين. لكن من واجبنا برضه نقول على قد ما رمضان شهر للعيلة والأكل الحلو إلا إنه شهر العبادات والصلاة والذكاة. وأهم واجب ليكي إنك تعيشي الجو الروحاني وتستمتعي بكل تفصيلة فيه وتطلعي منه وانت حاسة إنه كان أجمل وقت في حياتك. أما كل الحاجات الثانية فاعمليها لكن افتكري إنها مش الأهم. نتمنى لكل الأمهات صحة وعافية ورمضان كريم وسعيد وكله صحة ونشاط.
.
