أهم 10 مستلزمات البيبي جهزيهم قبل حر الصيف
يا ترى البيبي بيحتاج إيه غير المسلتزمات المعتادة في فصل الصيف؟ أكيد بيحتاج أدوات تحميه من الحر، وكل الحاجات المرتطبة بيه. وكمان الأدوات اللي ترطب جسمه وبشرته. علشان كده هنقولك النهاردة على أهم 10 مستلزمات البيبي لازم تكوني جاهزة بيهم قبل فصل الصيف.
أهم 10 مسلتزمات للبيبي في الصيف
الحر الشديد والتعرق وتعرض البيبي لأشعة الشمس الحارة كلها من الحاجات اللي ممكن تأثر عليه تأثير سلبي جداً. كمان ممكن تؤدي لجفاف الجلد والالتهابات. كذلك احساس الطفل بالإجهاد الشديد والتعب، وبيخليه مقريف ومزاجه مش مظبوط طول الوقت. لكن لو عندك مسلتزمات البيبي الجاية فأكيد الوضع هيكون مختلف تماماً.
غطاء لشبابيك العربية
نقدر نقول أن الغطا المخصص لشبابيك العربية من أهم 10 مسلتزمات للبيبي في الصيف. وما تستغربيش من ده. لأن دخول الشمس للعربية بيؤدي لزيادة درجة الحرارة فيها، كمان الشمس ممكن توصل لطفلك. وكل العوامل دي ضارة بالطفل ومن المهم نحميه منها.
ملابس داخلية بدون أكمام
في فصل الشتاء أكيد حضرتي هدوم داخلية طويلة لطفلك علشان تحميه من البرد. لكن في فصل الصيف هتكوني محتاجة تحضري النقيض تماما. لذلك ابدأي في اختيار ملابس داخلية مصنوعة من القطن، ومن المهم إنها تكون من غير أكمام علشان تسهل الحركة. كما تمنع احتكاك الجلد بالقماش خلال حركة البيبي.
لتسوق أفضل ملابس الأطفال
غطاء رضاعة صيفي
لو انت عندك غطاء الرضاعة مصنوع من مادة ثقيلة نوعاً ما، فمن الأفضل انك تشتري غطاء خفيف مناسب لارتفاع درجات الحرارة. لأنه هيوفر لطفلك التنفس بشكل أفضل من الأنواع الثانية.
كريم طفح الحفاض
الأطفال في الصيف بيكونوا معرضين لطفح الحفاضة بشكل أكثر من أي وقت. علشان زيادة درجة حرارة الجو وزيادة التعرق بتؤدي لزيادة فرص الالتهاب. لذلك انت محتاجة تحمي طفلك من البداية خالص وتختاري كريم يحافظ على جلد طفلك، ويحميه من الالتهاب.
غطاء لعربية البيبي
ممكن كمان تحافظي على طفلك وتمنعي الحر من انه يأثر عليه لو اشتريتي غطاء عربية الأطفال المضاد للأشعة فوق البنفسجية. والغطاء اللي من النوع ده بيتميز أنه جيد التهوية جداً. كذلك بيمنع دخول الحشرات للطفل.
طاقية مضادة للشمس
لو هتخرجي الطفل برة البيت في الحر فمن المهم انك تجهزي طاقية مضادة للشمس وتكون لها حواف واسعة. لكن تأكدي من الطاقية مصنوعة من مادة جيدة التهوية وما تسببش زيادة درجة حرارة رأس الطفل.
كوب أو زجاجة للماء
الجفاف من أكثر المشكلات المضرة بالأطفال في فصل الصيف. لذلك لازم تهتمي إن طفلك يحصل على كمية كافية من الماء. لذلك لو كان طفلك عدى الشهر السادس فجهزي كوب الماء المخصص للأطفال أو الزجاجات الخفيفة علشان يشرب منها طول الوقت.
لتسوق أفضل مستلزمات البيبي
غسول الأطفال
اختاري لوشن صحي ومثالي لجلد طفلك في الصيف. ويعتبر اللوشن اللي بيحتوي على الأعشاب من أكثر الأنواع المرشحة. أما أهمية اللوشن فبترجع لإنه بيحمي بشرة طفلك من الجفاف اللي بيتسبب بسبب الحر. كمان بيرطب الجلد بدرجة كبيرة.
ملابس قطنية خفيفة
لو كنت لسة ماجهزتيش ملابس طفلك للأيام الجاية فلازم تاخدي الخطوة دي بأسرع ما يمكن. لأن الهدوم التقيلة في الحر من أكتر الحاجات اللي ممكن تسبب التهاب الجلد. كمان زيادة درجة حرارة الجسم ممكن يعرض الطفل لمشاكل صحية كثيرة.
واقي الشمس للأطفال
واقي الشمس يعتبر من أهم المنتجات الموجودة في شنطتك لو هتخرجي في الأماكن المفتوحة، أو على شاطئ. كذلك من المهم انك تختاري المنتج اللي بيحتوي على اكسيد الزنك والمواد الطبيعية، علشان تحصلي على افضل نتيجة.
