7 من أجمل أفلام ليلة رأس السنة
أول ما بنقول أفلام ليلة رأس السنة بيبقى فيه مجموعة لا يمكن نسيانها من الأفلام الأسرية الممتعة جداً. طبعاً في منها يعتبر أيقونة عيد الميلاد. لذلك النهاردة جمعنا لكم قائمة من أفضل الأفلام اللي هتقضوا معاها سهرة ممتعة. لكن ما تنسوش الفشار والمكسرات عشان السهرة تبقى أحلى.
قائمة أفلام ليلة رأس السنة
فيلم Home alone من أهم أفلام رأس السنة
طبعاً فيلم Home alone يعتبر من الأفلام المميزة ليلة رأس السنة. وكل الأجيال على اختلافها اتعلقت بيه بدرجة كبيرة. خصوصاً إن الفيلم أحداثه كلها بتدور في ليلة عيد الميلاد. ومغامرات الطفل كيفين في الليلة دي لا يمكن نسيانها. عشان كده أول ما بنقول ليلة رأس السنة بيجي في بالنا على طول فيلم Home alone.
فيلم Baby day out
أما فيلم Baby day out فهو برضه من أجمل الأفلام العائلية. الفيلم بيدور عن مغامرة طفل لسة بيحبي خارج المنزل. الفيلم قريب من فكرة فيلم Home alone لكن الفرق إن البطل صغير جداً. لكن في النهاية بنستمتع بأحداث كثيرة ممتعة وكلها مغامرات.
فيلم Night at the museum
فيلم Night at the museum بأجزائه المختلفة يعتبر من أهم الأفلام الممتعة. هو واحد من أفلام الخيال العلمي، بتدور أحداثه داخل متحف. لكن الجديد هو إن كل الشخصيات التاريخية في المتحف بتبدأ تعيش من أول وجديد. وهنا بنشوف مغامرة شيقة للأبطال كلها إثارة وحركة. الفيلم ده من أكثر الأفلام اللي هتكون محببة للأطفال.
فيلم Happy new year
طبعاً ما ينفعش نحط قائمة من الأفلام من غير ما يكون فيها فيلم هندي. Happy new year واحد من أقوى الأفلام الهندية للنجم شاروخان. القصة بتدور عن عصابة بتحاول سرقة ماسة ثمينة لكن خلال أحداث كوميدية جداً. وطبعاً الفيلم في مجموعة من الرقصات والمشاهد المبهجة للغاية والمناسبة للاحتفال بنهاية السنة.
فيلم The greatest showman
وده واحد من أهم إنتاجات هوليوود. الفيلم بيتكلم عن شخصية بي تي بارنوم وهو واحد من أقوى رجال الاستعراض في الولايات المتحدة. القصة بتحكي عن السيرة الذاتية ليه وإزاي بدأ السيرك الخاص بيه من خلال الاعتماد على شخصيات مختلفة تماماً.
فيلم You have got mail
.You’ve got mail عشان ليلة رأس السنة ما ينفعش تكمل إلا بفيلم رومانس، يبقى خلينا نرشح
الفيلم بيحكي عن قصة حب رومانسية وغريبة جداً بين اثنين أعداء في الواقع لكنهم أصدقاء على الإنترنت. الفيلم من بطولة توم هانكس وميج رايان.
من أفلام رأس السنة Jurassic world
أما لمحبي العوالم الغريبة والخيال العلمي وخصوصاً عالم الديناصورات فيلم Jurassic world من أجمل الأفلام الممتلئة بالإثارة والتشويق. الفيلم بيحكي عن حديقة بتتحول لفوضى كبيرة بعد تحول جيني في الديناصورات وهجومها على الحديقة.
