حدوتة البطة السودا
اهلا بيكم في حلقة جديدة من حكايات من 7 لـ70.. وزي العادة جبنا لكم من الخيال حدوتة جميلة. وهنتعلم من حدوتة النهاردة إن حوالينا ممكن يكون فيه ناس مختلفين عننا في الشكل أو اللغة واللبس، لكن اختلافهم مش معناه انهم وحشين، لكن معناه ان كل حد فينا عنده حاجات مش زي التاني لازم يحبها ويحترمها..ولازم كلنا نحب بعض مهما كنا مختلفين..النهاردة هنحكي حكاية البطة السودا.
حدوتة البطة السودا
كان يا مكان في يوم مشمس وجميل صحت البطة بطوطة من النوم علشان تروح ترقد على البيض بتاعها علشان يفقس بط جميل وصغير ولونه ابيض زيها. لكن لما رحت للبيض بتاعها لقت بيضا زيادة فقالت لنفسها أكيد هي غلطت في العد وراحت رقدت على البيض.
وبعد وقت قصير بدأ البيض يفقس واحدة وار واحدة ورا وحدة. وكل بيضة كانت بتطلع بطوط جميل وريشه لونه أبيض. وكانت بطوطة كل ما تشوف حد من ولادها تفرح وتزقطط وتاخدها في حضنها.
وفضلت كده لحد ما آخر بيضة فقست. لكن كنا كانت المفاجأة. البطوط الصغنن كان عنده ريش اسود، ولما جرى على بطوطة علشان يحضنها سابتها وبعدت عنه بعيد.
قعد بطوط يعيط وهو مش عارف ياترى ليه مامته مارضتش تحضنه. وتاني يوم قامت بطوطة من النوم وصحت كل البط الابيض وخدتهم على البحيرة علشان تعلمهم العوم وسابت بطوط وحيد وحزين.
قعد بطوط يقول لنفسه يا ترى أنا عملت ايه وذنبي ايه ومامتي سابتني وحيد ليه. ووهو بيعط شافه فلاح عجوز وطيب وصعب عليه..وخده عنده في المزرعة وقعد يأكله ويربي لحد ما كبر.
بطوط عند البحيرة
وفي يوم من الأيام طلع بطوط لأول مرة يتمشى عند البحيرة وبص على الطيور والعصافير ولاقها قادرة تطير. قال لنفسه ياخسارة انا بطوط والبط مش بيعرف يطير اه لو اقدر اطير زيهم او زي البجع الاسود اللي هناك ده..
وهو بيفكر فضل يمشى ويقرب من البحيرة واول ما قرب منها وشاف صورته في المية قال ايه ده هو انا ليه شكلى مش زي البط، وما عنديش منقار يشبه منقارهم..وبص حواليه واكتشف انه يشبه البجع الأسود..وهنا عرف بطوط أنه كان موجود في مكان مش مكانه وان اكيد مامته كانت بجعة حلوة وحد بالغلط نقل البيض عند البط.
فرح بطوط وقد يحرك جناحه فوق وتحت ويمين وشمال ولقى نفسه قادر يطير زي البجع..ولما راح للفلاح علشان يشكره، الفلاح قاله شفط يا صغنن مش مهم انك تكون شبه الجميع المهم انك تعرف قيمة نفسك وانك تعرف ازي تطير..توتة توتة خلصت الحدوتة.
استنونا في حلقة جديدة من بودكاست حكايات من 7 لـ 70.
