كل أم مصرية دلوقتي بتستعد لحدث كبير جداً وهو تنظيف البيت استعداداً لعيد الفطر المبارك. طبعاً كلنا عارفين إنها بتمر بواحد من الأوقات الدقيقة جداً اللي بتحتاج تخطيط استراتيجي عميق لأبعاد كل حاجة. مثلاً وقت التنفيض. هنبدأ بإيه. هنقدر نحافظ على الإنجاز لمدة كام يوم. لذلك نقدر نقول إنك بتحولي البيت لمعسكر إنت المحارب والقائد والقناص فيه لوحدك ومن غير أي مساعدات. لكن عشان احنا مش عايزين نسيبك لوحدك قررنا نقدم لك مجموعة من أفضل Tips & tricks لتظيف البيت في العيد. عشان تقللي مجهود وتحصلي على أفضل نتيجة خلال أيام العيد وبعدها كمان.
Tips & tricks لتنظيف البيت في العيد
طبعاً في حاجات كثيرة مرتبطة بتنظيف البيت قبل العيد. لكن في الحقيقة في تفاصيل كثيرة بتاخد وقت ومجهود. لذلك فيه Tips & tricks لتنظيف البيت في العيد هيقدروا إنهم يوفروا من مجهودك كثير. مثلاً إزاي تنظفي الحمام بأقل مجهود. كذلك تنظيف السجاد. أو تنظيف الأدوات الفضية. كل دي حاجات مهمة جداً. لكن تعمليها بسهولة إزاي؟ ده اللي هتعرفيه معانا.
Tips & tricks لتنظيف الحمام
تنظيف الحمام جزء لا يتجزء من تنفيضة العيد. لكن في نفس الوقت بيحتاج مجهود كبير ومنظفات كثيرة عشان تحصلي على أفضل نظافة وتعقيم. بس عشان تسهلي المهمة ممكن تقومي بالحاجات الجاية.
- بدل ما تشتري منظفات كثيرة وغالية ومش فعالة قومي بإضافة نصف كوب من الأمونيا المنزلية على 3 ملاعق بيكربونات صوديوم وكوبين من الماء الدافئ. بعد كده استخدمي اسفنجة وضعيها في المحلول وامسحي بها أسطح الحمام.
- لتنظيف التواليت صبي داخله علبة من الكولا واتركيها لمدة نصف ساعة بعد كدة استخدمي الفرشاة وهتلاقي سطح بقى لامع جداً.
- ستارة الحمام من أكثر الأجزاء اللي بتتعرض للرطوبة. عشان كدة ممكن تلاقي بقع من العفن عليها. أما أسهل طريقة للتخلص من البقع دي هي إنك تعملي محلول من نصف لتر من الكلور وملعقتين كبيرتين من سائل التنظيف. بعد كدة رشي المحلول على الستارة واتركيه لمدة 10 دقائق واشطفيها هتلاقي كل بقع العفن اختفت. كذلك ممكن تعملي عجينة من الخل والملح وتنشريها على أماكن البقع واتركيها لمدة ساعة أو اثنين بعد ذلك قومي بشطفها من خلال قطعة اسفنج مبللة.
- أما بالنسبة لأرضية الحمام فالمسافات بين البلاط دائماً بتكون مكان لتراكم الأوساخ. لكن تنظيفها سهل جداً ممكن تعمل خليط مكون من مادة البوراكس مع بيكربونات الصوديوم والماء وتحطيه على فواصل السيراميك وتقومي بدعكه بفرشاة الأسنان. ممكن برضه تستخدمي معجون الأسنان على نفس الأماكن.
- حنفية الحمام من أكثر الأجزاء اللي تنظيفها بالمساحيق مش بيجيب نتيجة كبيرة. عشان كده اعملي خليط من الخل الأبيض والماء وحطيه على الحنفية ولفيها بكيس من البلاستيك لمدة ساعة. بعد كده استخدمي فرشاة أسنان لفرك الحنفية وهترجع كإنها جديدة تماماً.
Tips & tricks لتنظيف السجاد بدون غسيل
غسيل السجاد من أكثر الحاجات المرهقة خلال تنفيض العيد. لكن في طرق كثيرة أسهل وتضمن نظافة عالية جداً. منها على سبيل المثال:
- عمل خليط مكون من نصف كوب ماء الأكسجين، نصف كوب من الخل الأبيض ، 5 قطرات من الزيوت العطرية ، ملعقتان كبيرتان من صابون الأطباق ، ملعقتان كبيرتان من منعم الأقمشة وجالون من الماء الساخن. بعد كده حطي المكونات دي في ماكينة التنظيف الخاصة بالسجاد وهتلاقي نتيجة ساحرة.
- لو في اي بقع للزيت على السجاد ممكن تحطي عليها كمية من بيكربونات الصودا وتسيبها لحد ما تنشف بعد كده ممكن تزيليها بالمكنسة الكهربائية.
- لو عندك سجاد فاتح وعليه بقع مختلفة استخدمي أي نوع من أنواع كريمات الحلاقة وحطيه على البقع. وبعد كده افركي الكريم وهتلاقي إن البقعة راحت والسجادة رجعت أنعم.
Tips & tricks لتنظيف النجف الكريستال
تنظيف النجف من الأمور المتعبة جداً وده لأنها مرتفعة وصعب نوصل لكل الأماكن فيها. لكن في طريقة سهلة جداً.
- اعملي محلول من السبرتو والماء والخل واخليطهم. من خلال استخدام بخاخ رشي القطع الكريستالية. بعد كده جففيها من خلال قماشة نظيفة وجافة. وممكن تعملي خليط من السبرتو وسائل تنظيف الزجاج وترشي قطع الكريستال بيه وتتركي لحد ما يجف. كذلك عشان المسحوق ما ينزلش على الأرض ممكن تعلقي شمسية في طرف النجفة عشان السائل يقع داخلها.
طريقة تنظيف المقابض
- إذا كانت مقابض الأبواب من النحاس قومي بوضع كمية من الملح على نصف ليمونة ولمعي بها المقابض النحاسية. بعد ذلك قومي بتلميعها بقطعة نظيفة من القماش.
- أما إذا كانت المقابض من الألومنيوم اخلطي الماء الساخن مع بيكربونات الصوديوم. اتركي الخليط حتى يبرد بعد ذلك قومي بتلميع المقابض من خلال استخدام قطعة من القماش الناعم.
